Qazaqstanda prezidenttik test ótkizý erejelerinen Tuńǵysh Prezident Nursultan Nazarbaevqa qatysty ataý resmi túrde alynyp tastaldy. Bul týraly Mádeniet jáne sport ministrliginiń buiryǵynda kórsetilgen, dep habarlaidy Dalanews.kz.
Qazaqstanda biraz jyldan beri “Elbasy testi” ataýymen belgili sporttyq normativtiń resmi ataýy ózgertildi.
Jańa redaktsiiada qujattyń ataýy:
“Qazaqstan Respýblikasy halqynyń dene daiarlyǵyn baǵalaýǵa arnalǵan prezidenttik testilerdi ótkizý qaǵidalaryn bekitý týraly” dep kórsetilgen.
Aita keteiik, buryn bul ereje “Tuńǵysh Prezident – Elbasy testi” dep atalǵan. Jańa ózgeris 2025 jyldyń 16 maýsymynan bastap kúshine endi.
Eske salaiyq, Nursultan Nazarbaevqa “Elbasy” mártebesi 2010 jyly resmi túrde berilgen edi. Bul ataq oǵan ómir boiy artyqshylyqtar men quqyqtar berdi. Atap aitatyn bolsaq, qylmystyq jaýapkershilikten qorǵaný, qaýipsizdik keńesin basqarý, ózi men otbasyna materialdyq jáne áleýmettik kepildikter qarastyrý.
Alaida 2022 jyly Qańtar oqiǵasynan keiin Qazaqstan biligi jeke basqa tabynýshylyqtan bas tartý jáne sýperprezidenttik júieden parlamenttik basqarý úlgisine kóshý jolynda “Elbasy” týraly zańdy joiýdy qolǵa aldy.
