Danıar Óteshov Prezıdenttik Jastar kadrlyq rezerviniń múshesi, joǵary bilimi bar, Q. Sátbaevtyń atyndaǵy Qazaq ulttyq tehnıkalyq ýnıversıtetin «Qurylys» mamandyǵy boıynsha, Nazarbaev Ýnıversıtetin «İskerlik ákimshilik» mamandyǵy boıynsha bitirgen.
Aǵylshyn tilin erkin meńgergen.
Eńbek jolyn 2014 jyly «Atash-Servıs» JSHS dırektory, 2015 jyldan 2017 jylǵa deıin «Aqtaý-Azımýt» JSHS dırektorynyń orynbasary bolyp bastaǵan. 2017 jyly Aqtaý qalalyq qurylys bóliminiń sektor meńgerýshisi bolyp jumys istedi. 2017 jyldyń tamyz aıynan bastap qazirgi tańǵa deıin «Aqtaý-Azımýt» JSHS dırektor qyzmetin atqardy.
Oblys ákimi ujymǵa basqarmanyń jańa basshysyn tanystyryp, óńirdiń týrısik salasy qaıta jańǵyrtýdy qajet etetinin, ol úshin jańa tásilderdi qoldaný qajettigin atap ótti. Ákim týrızm basqarmasynyń aldynda óńirdiń týrısik áleýetin arttyrý boıynsha úlken mindet turǵanyn, oǵan úkimettik emes uıymdardyń, belsendilerdiń jáne oblystyń janashyr turǵyndarynyń kómegimen iske asyrý qajet ekenin jetkizdi.
