«Men qoǵamda jii talqylanatyn taǵy bir máselege toqtalǵym keledi. Qazaqstan – Konstitýtsiia boiynsha zaiyrly memleket. Bul qaǵida barlyq jerde, sonyń ishinde bilim berý mekemelerinde qatań saqtalýǵa tiis. Mektep – eń aldymen, bilim ordasy. Balalar mektepke bilim alý úshin barady. Al dini ustanym – ár azamattyń jeke máselesi, óz tańdaýy. Elimizde din bostandyǵyna zańmen kepildik berilgen. Balalarymyz eseiip, dúnietanymy tolyq qalyptasqan soń óz tańdaýyn jasaǵany durys dep sanaimyn”, – dedi Toqaev.
Memleket basshysy eń bastysy, kózqarasy aiqyn, sanasy sergek ári dástúrge berik urpaq tárbieleý kerektigine nazar aýdarady.
“Jalpy, zaiyrly degen sózdiń mazmuny tereń, óte aýqymdy. Halqymyzǵa qatysty aitatyn bolsaq, bul – salaýatty ómir saltyn ustaný, pragmatikalyq kózqarasta bolý jáne dástúrli dinimizge, ulttyq sanany arqaý etken saltymyzǵa shynaiy qurmet degen sóz», – deidi ol.
Aita keteiik, jańa oqý jyly bastalǵaly qoǵamda mektepke hidjab kiiý máselesine qatysty daý-damai basylmai tur. Budan buryn oqý-aǵartý ministri Ǵani Beisembaev jekelegen azamattardyń mektepterde hidjab kiiýge ruqsat berý týraly talabyna qatysty pikir bildirgen.
