«Qańtar oqiǵasy» degen ataýmen tarihta qalǵan syndarly sáttiń órbýi men saldary, sebepterin arqaý etý arqyly bastalǵan Joldaý halyqqa rasynda serpilis, senim syilady. «Saiasi transformatsiia búkil salada tamyr-tanystyq pen monopoliiany túbirimen joiyp, adal ári ádil «oiyn erejesin» qalyptastyrýdy kózdeidi» dep Memlekettik basqarý júiesine engizýige tiisti ári tiimdi bolatyn bastamalardy tizbektep berdi.
«Endi bireýler geosaiasi ahýal qatty shielenisip turǵan kezde eldi «gorbachevtik qaita qurýdaǵy» siiaqty berekesizdik jailap, kóshe demokratiiasy beleń alyp kete me degen oryndy qaýipterin aitty. Biraq, men elimizge túbegeili reformalar qajet ekenine bek senimdimin. Áitpese, toqyraýǵa tap bolamyz. Biz onyń saldary memleketti qalai kúiretetinin tarih qoinaýyna ketkenine kóp bola qoimaǵan keńes tarihynan jaqsy bilemiz» degen Memleket basshysy eń basty saiasi reformalar týraly keńinen qozǵady.
Elimizdiń saiasi modelin qalyptasyrý úshin qiyn da bolsa da kúrdeli qadamdarǵa barýdyń basty ustanym bolýy kerektigin aitqan Prezident Parlamenttiń tómengi palatasyna zań qabyldaý mártebesin berý kerektigin málimdedi.
Bul túptep kelgende Sýperprezidenttik basqarý formasy ózgerip, Parlamenti qýatty memleketti qalyptasyrýdyń alǵysharty bolary anyq.
Oblys ákimderin taǵaiyndaý – óńirlerdi damytý isindegi basty basymdyq beretin jaǵdai ekeni aian. Aldaǵy ýaqytta bul úrdis máslihattardyń áleýetin kúsheitý arqyly oblys ákimdigine 2 nemese odan da kóp kandidattyń usynylyp, solardyń arasynan balamaly túrde tańdaý jasaý arqyly júzege asyrý kózdelýde.
«Amanat» partiiasynyń 1 naýryzdaǵy sezinde biylǵy jyly partiia tóraǵalyǵynan ketetini jaily aitqan ustanymyna Joldaý barysynda taǵy da toqtaldy. Sonymen qatar, oblys ákimderi men orynbasarlary partiianyń óńirlik filialdary tóraǵalyǵynan ketip, partiia músheliginde bolmaityny da aityldy. Bul óz kezeginde partiialyq shynaiy básekeni, músheleri úshin úlken múmkindikter týdyrady kútilýde. Sailaý týraly Zańnyń da tarmaqtary qaita qaralyp, Májilis, máslihat depýtattaryn sailaýda 70% partiialyq, 30 % majoritarlyq júiege negizdemekshi. Bul halyqtyń sailaýǵa degen senimin arttyryp, óz tańdaý erkin jasaýǵa múmkindik týdyrady.
Álemde bolyp jatqan geosaiasi oqiǵalaradyń áserinen týyndaǵan krizistik jaǵdailar el ekonomikasyna, áleýetine qaýip tóndirmeýi tiistigin eskertpi, qýatty eldi qurýdyń negizgi baǵyttaryn atap kórsetti.
Búgingi Joldaý – eldiń basqarý júiesine ǵana emes, ákimshilik-aýmaqtyq ózgeristerge alyp keletin negizgi aishyqty oilarmen erekshelendi. Tarihi tamyrǵa súiene otyryp, Almaty, Shyǵys Qazaqstan, Qaraǵandy oblystaryn ekige bólip, Ulytaý, Abai, Jetisý oblystaryn qurý týraly sheshimi – halyq kútken, kóńilge qonymdy is bolǵaly tur. Bul – tek dástúrli sabaqtastyǵymyzdy saqtaý ǵana emes, sol aýmaqtaǵy halyqtyń búgingi turmysyna da aitarlyqtai oń ózgeris alyp keleri anyq. Biz buǵan Túrkistan oblysyn qurý tájiribesinen tolyqtai kóz jetkizdik.
Sonymen birge Prezident Joldaýda jýrnalister "syrttan berilgen tapsyrystarmen jumys istemeýi kerek" dep, ulttyq baspasózdiń jaýapkershiligin eselei tústi. "Memleket múddelerin, qoǵam qajettiligin jáne media salasyndaǵy ózgeristerdi eskere otyryp" "Buqaralyq aqparat quraldary týraly zańdy ózgertý kerektigin eske saldy. Ulttyq quryltai qurý týraly ideiasy da eldiń kóńilinen shyǵatyny aiqyn.
Qalai desekte, búgingi Joldaý el tarihyna altyn árippen jazylar, «Jańa Qazaqstan» tujyrymdamasyn isker asyrýdyń basty, qundy qujaty retinde sanalary anyq.
El Prezidentiniń «Ýaqyt qanshalyqty qiyn bolsa da, biz óz baǵytymyzdy ózgertpeimiz» dep senimmen aitýy – Memleket tutastyǵyn nyǵaitýǵa shaqyrǵan úndeýi dep túsindik.
Endi bizdiń aldymyzda Memleket basshysynyń «Biz ózimizdiń basty igiligimiz – Táýelsizdigimizdi saqtaýǵa, ulttyq biregeilik negizderin bekemdeýge, elimizdi transformatsiialaýǵa jumylýǵa tiispiz» degen ustanymy aiasyna toptasyp, el birligin nyǵaityp, «Jańa Qazaqstan» qurýǵa birlese atsalysý mindeti tur!
Beisen TÁJIBAEV, «AMANAT» partiiasy Túrkistan oblystyq filialynyń Atqarýshy hatshysy, Fraktsiia jetekshisi.
