Otyrardan shyqqan aqyndar ǵana emes, nebir ǵulama ǵalymdar, óner men sport salalarynyń talai dodaly básekelerde top jaryp júrgen saiypqyran sańlaqtary da abyroiyn aspandatyp, týyn kókke kóterip keledi. Osy jerde bir ǵana sport salasy jóninde sóz qozǵar bolsaq, bul salada qol jetkizip júrgen jetistikterimiz de, sportty órkendetý jolyndaǵy atqarylyp jatqan aýqymdy jumystar da az emes. Osyndai igilikti isterdiń biri halyqtyń paidalanýyna berilgeli otyrǵan – «Oqsyz» atty sán-saltanaty ábden kelisken kórikti sporttyq saýyqtyrý kesheni.
Biylǵy Táýelsizdik merekesi otyrarlyqtar úshin mol tartýlarymen kelip otyr. Álemniń ekinshi ustazy – Ábý Nasyr ál-Farabidiń, kúsh atasy Qajymuhan atamyzdyń týǵan jeri Otyrar aýdanynda zamanaýi talapqa sai «Oqsyz» sport kesheni boi kóterip, el igiligine berilip otyr»,-dedi oblys ákiminiń orynbasary Tólegen Sársembaev ǵimarattyń ashylý saltanatynda.
Sport kesheni álemniń ekinshi ustazy atanǵan Ábý Nasyr ál-Farabidiń kindik qany tamǵan ejelgi Oqsyz qalasynyń ataýymen atalady. Eki qabatty ǵimarattyń syiymdylyǵy 210 adamǵa laiyqtalyp, 23 sport úiirmeleri jumys jasaidy. Sondai-aq, oblystyq, respýblikalyq dárejedegi túrli sporttyq sharalardy ótkizýge múmkindik tolyǵymen qarastyrylýda.
QR Prezidenti N.Á.Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda elimiz boiynsha 100 sporttyq nysan salý jóninde aitylǵan bolatyn. Elbasy tapsyrmasyna sáikes otyrarlyqtar alǵashqylardyń qatarynda tamasha sport keshenin paidalanýǵa berdi. Eńseli ǵimarattan aldaǵy kezderde táýelsizelimizdiń, qut pen kie qonǵan qasietti ólkemizdiń atyn shyǵaryp, álemge tanytatyn nebir chempiondar shyǵatynyna tolyq senimdimiz, – dedi aýdan ákimi Erlan Aitahanov.
Jańa sport kesheninde Túrkistan oblysynyń tórt aýdany men Shymkent qalasynyń balýandary qatysqan Túie balýandardyń aqtyq syny ótti. Sheshýshi saiysta Otyrar aýdanynyń namysyn qorǵaǵan Joldasbek Bektursynov jeńimpaz atanyp, 1 mln teńgeni qanjyǵasyna bailady.
Otyrar aýdany ákiminiń baspasóz qyzmeti
