وتىراردان شىققان اقىندار عانا ەمەس، نەبىر عۇلاما عالىمدار، ونەر مەن سپورت سالالارىنىڭ تالاي دودالى باسەكەلەردە توپ جارىپ جۇرگەن سايىپقىران ساڭلاقتارى دا ابىرويىن اسپانداتىپ، تۋىن كوككە كوتەرىپ كەلەدى. وسى جەردە ءبىر عانا سپورت سالاسى جونىندە ءسوز قوزعار بولساق، بۇل سالادا قول جەتكىزىپ جۇرگەن جەتىستىكتەرىمىز دە، سپورتتى وركەندەتۋ جولىنداعى اتقارىلىپ جاتقان اۋقىمدى جۇمىستار دا از ەمەس. وسىنداي يگىلىكتى ىستەردىڭ ءبىرى حالىقتىڭ پايدالانۋىنا بەرىلگەلى وتىرعان – «وقسىز» اتتى ءسان-سالتاناتى ابدەن كەلىسكەن كورىكتى سپورتتىق ساۋىقتىرۋ كەشەنى.
– تاۋەلسىزدىكتىڭ العاشقى جىلدارىنان-اق ەلىمىز ەگەمەندىكتىڭ ەڭ نەگىزگى العى شارتتارىن جاساي الدى. بارىنەن بۇرىن كوپ ۇلتتى، كوپتىلدى، كوپ ءدىندى ەلىمىز حالىقتىڭ اۋىزبىرلىگىن ساقتاۋعا قول جەتكىزدى. قازاقستاندى مەكەن ەتكەن بارلىق ۇلتتاردىڭ مۇددەسىن ورتاقتاستىرا العانى – قازىرگى زاماننىڭ اتا¬تۇركى ءھام ۇلت كوشباسشىسى اتانعان نۇرسۇلتان ءابىش ۇلى نازاربايەۆتىڭ سىندارلى ساياساتىنىڭ ايقىن ايعاعى ەدى. ونىڭ ءنارلى جەمىسىن تۇركىستاندىقتاردىڭ، ونىڭ ىشىندە وتىرارلىقتاردىڭ ومىرىنەن دە اڭعارۋعا بولادى. اتاپ ايتقاندا، اۋدانىمىزدا سوڭعى كەزدە بۇرىن سوڭدى بولماعان يگى ىستەر اتقارىلىپ، بۇگىنگى تاڭدا جالعاسىن تاۋىپ كەلەدى.
بيىلعى تاۋەلسىزدىك مەرەكەسى وتىرارلىقتار ءۇشىن مول تارتۋلارىمەن كەلىپ وتىر. الەمنىڭ ەكىنشى ۇستازى – ءابۋ ناسىر ءال-فارابيدىڭ، كۇش اتاسى قاجىمۇحان اتامىزدىڭ تۋعان جەرى وتىرار اۋدانىندا زاماناۋي تالاپقا ساي «وقسىز» سپورت كەشەنى بوي كوتەرىپ، ەل يگىلىگىنە بەرىلىپ وتىر»،-دەدى وبلىس اكىمىنىڭ ورىنباسارى تولەگەن سارسەمبايەۆ عيماراتتىڭ اشىلۋ سالتاناتىندا.
سپورت كەشەنى الەمنىڭ ەكىنشى ۇستازى اتانعان ءابۋ ناسىر ءال-فارابيدىڭ كىندىك قانى تامعان ەجەلگى وقسىز قالاسىنىڭ اتاۋىمەن اتالادى. ەكى قاباتتى عيماراتتىڭ سىيىمدىلىعى 210 ادامعا لايىقتالىپ، 23 سپورت ۇيىرمەلەرى جۇمىس جاسايدى. سونداي-اق، وبلىستىق، رەسپۋبليكالىق دارەجەدەگى ءتۇرلى سپورتتىق شارالاردى وتكىزۋگە مۇمكىندىك تولىعىمەن قاراستىرىلۋدا.
ق ر پرەزيدەنتى ن.ءا.نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ەلىمىز بويىنشا 100 سپورتتىق نىسان سالۋ جونىندە ايتىلعان بولاتىن. ەلباسى تاپسىرماسىنا سايكەس وتىرارلىقتار العاشقىلاردىڭ قاتارىندا تاماشا سپورت كەشەنىن پايدالانۋعا بەردى. ەڭسەلى عيماراتتان الداعى كەزدەردە تاۋەلسىزەلىمىزدىڭ، قۇت پەن كيە قونعان قاسيەتتى ولكەمىزدىڭ اتىن شىعارىپ، الەمگە تانىتاتىن نەبىر چەمپيوندار شىعاتىنىنا تولىق سەنىمدىمىز، – دەدى اۋدان اكىمى ەرلان ايتاحانوۆ.
جاڭا سپورت كەشەنىندە تۇركىستان وبلىسىنىڭ ءتورت اۋدانى مەن شىمكەنت قالاسىنىڭ بالۋاندارى قاتىسقان تۇيە بالۋانداردىڭ اقتىق سىنى ءوتتى. شەشۋشى سايىستا وتىرار اۋدانىنىڭ نامىسىن قورعاعان جولداسبەك بەكتۇرسىنوۆ جەڭىمپاز اتانىپ، 1 ملن تەڭگەنى قانجىعاسىنا بايلادى.
وتىرار اۋدانى اكىمىنىڭ باسپا ءسوز قىزمەتى
