Oblys ákiminiń aitýynsha, óńirdegi shaǵyn orta biznes sýbektileriniń sany 138 myńǵa jetip, ótken jylmen salystyrǵanda 8,5%-ǵa ósken. Bul kórsetkish boiynsha Almaty qalasynan keiin 2-orynda tur. Jyl basynan beri negizgi kapitalǵa salynǵan investitsiialar kólemi 133,7 mlrd. teńgeni qurap, 39,6%-ǵa artty. Buǵan Túrkistan qalasynyń qurylysy áser etip otyr.
«Qarapaiym zattar ekonomikasy» baǵdarlamasyn júzege asyrý barysynda oblysta 70,8 mlrd. teńgege 207 joba qarastyrylǵan. Búgingi tańda 9,1 mlrd. teńgeni quraityn 6 joba ekinshi deńgeili banktermen maquldanyp, qarjylandyrylýda. Bul kórsetkish boiynsha Túrkistan oblysy óńirler arasynda kósh bastap tur.
Óńir basshysy Úkimettiń keńeitilgen otyrysynda QR Prezidenti Qasym-Jomart Toqaev júktegen 9 baǵytqa negizdelgen tapsyrmalarǵa jeke-jeke toqtaldy. Sol tapsyrmalardy sapaly oryndaý úshin 5 orynbasary men apparat basshysyn jaýapty etip bekitip, árqaisysyna mindetter júktedi.
Sessiiada kásipker, oblystyq máslihattyń depýtaty Qainar Abasov pen oblystyq ardagerler keńesi tóraǵasynyń orynbasary Kenjehan Tólebaev Arystaǵy jaǵdai turaqtanǵanyn aityp, óńir basshysynyń uiymdastyrýshylyq qabileti men jumysyna oń baǵa berdi.
Túrkistan oblysy boiynsha «Atameken» ulttyq kásipkerlik palatasynyń direktory Dinmuhammed Ábsattarov kásipkerlikti qoldaý máselesin qozǵasa, «Altyn alqa» iegeri, bilikti ustaz Maira Israilova Prezidentimizdiń ustazdar mártebesin kóterý jónindegi bastamalaryna rizashylyǵyn bildirdi. Stýdenttik qurylys jasaǵynyń belsendisi Ernar Qudaibergen Túrkistandy túletýge jastar da daiyn ekenin jetkizdi.
Sessiiaǵa qatysýshylar oblys basshysynyń jumysyna oń baǵalaryn berip, Túrkistandy túletý baǵytyndaǵy jumystardyń talapqa sai atqarylatynyna senim bildirdi.
