Toqaev Konstıtýsıaǵa ózgerister engizý úshin referendým ótkizýdi usyndy, dep habarlaıdy Dalanews.kz

Qazaqstan Prezıdenti Qasym-Jomart Toqaev eldiń saıası júıesin túbegeıli jańartýǵa baǵyttalǵan mańyzdy bastama kóterdi. Memleket basshysy Konstıtýsıaǵa engiziletin ózgeristerdi halyqtyń tikeleı qatysýymen – referendým arqyly qabyldaý qajet ekenin aıtty.

Prezıdenttiń aıtýynsha, aldaǵy túzetýlerdiń aýqymy keń ári eldiń memlekettik qurylymyna aıtarlyqtaı yqpal etýi múmkin. Sonyń ishinde eń nazar aýdararlyq usynystardyń biri – Parlamenttiń qurylymyna qatysty. Buǵan deıin Toqaev zań shyǵarý bıligin bir palataly júıege kóshirý jóninde bastama jasaǵan edi. Bir palataly Parlament: bastysy — sany emes, sapasy

Aqordanyń málimetinshe, negizgi maqsat – kásibı deńgeıi joǵary, tıimdi jumys isteıtin Parlament qalyptastyrý. Alaıda bul eki palata qurylymyn qarapaıym túrde biriktire salý emes, júıeli ári tereń reformalaýdy qajet etetin proses ekeni atap ótildi.