توقايەۆ كونستيتۋسياعا وزگەرىستەر ەنگىزۋ ءۇشىن رەفەرەندۋم وتكىزۋدى ۇسىندى، دەپ حابارلايدى Dalanews.kz
قازاقستان پرەزيدەنتى قاسىم-جومارت توقايەۆ ەلدىڭ ساياسي جۇيەسىن تۇبەگەيلى جاڭارتۋعا باعىتتالعان ماڭىزدى باستاما كوتەردى. مەملەكەت باسشىسى كونستيتۋسياعا ەنگىزىلەتىن وزگەرىستەردى حالىقتىڭ تىكەلەي قاتىسۋىمەن – رەفەرەندۋم ارقىلى قابىلداۋ قاجەت ەكەنىن ايتتى.
پرەزيدەنتتىڭ ايتۋىنشا، الداعى تۇزەتۋلەردىڭ اۋقىمى كەڭ ءارى ەلدىڭ مەملەكەتتىك قۇرىلىمىنا ايتارلىقتاي ىقپال ەتۋى مۇمكىن. سونىڭ ىشىندە ەڭ نازار اۋدارارلىق ۇسىنىستاردىڭ ءبىرى – پارلامەنتتىڭ قۇرىلىمىنا قاتىستى. بۇعان دەيىن توقايەۆ زاڭ شىعارۋ بيلىگىن ءبىر پالاتالى جۇيەگە كوشىرۋ جونىندە باستاما جاساعان ەدى. ءبىر پالاتالى پارلامەنت: باستىسى — سانى ەمەس، ساپاسى
اقوردانىڭ مالىمەتىنشە، نەگىزگى ماقسات – كاسىبي دەڭگەيى جوعارى، ءتيىمدى جۇمىس ىستەيتىن پارلامەنت قالىپتاستىرۋ. الايدا بۇل ەكى پالاتا قۇرىلىمىن قاراپايىم تۇردە بىرىكتىرە سالۋ ەمەس، جۇيەلى ءارى تەرەڭ رەفورمالاۋدى قاجەت ەتەتىن پروسەسس ەكەنى اتاپ ءوتىلدى.
