– Elorda ákimine qatysty aitatyn bolsam, onyń júrgizip jatqan belsendi jumysyn oń baǵalaimyn. Qala turǵyndarymen, onyń ishinde máselesi bar aýdan turǵyndarymen kezdesý jumystary jaqsy júrip jatyr.
Adamdarmen kezdesip bizdiń saiasatymyzdy, onyń ishinde elorda turǵyndary atap ótetin máseleler men múmkindikterdi túsindirip júrsiz, – dedi Toqaev úkimettiń keńeitilgen otyrysynda.
Prezident kún tártibindegi taǵy bir másele – astanany, onyń ishinde qala shetin áleýmettik, turǵyn-úi jáne kólik infrastrýkrasymen qamtamasyz etý keregin aitty.
– Únemi qalany kóriktendirýmen ainalysý kerek. Buǵan aýdan ákimderin de, sonymen qatar, orynbasarlaryńyzdyń birin de tartýyńyz kerek. Kerek mamandar jetpese, alyńyz. Úkimetpen kelisip, bul qyzmetke kimdi tartýǵa bolatynyn aqyldasyńyz. Sebebi kez kelgen qazaqstandyq bolsyn, sheteldik azamat bolsyn qalanyń kórkine nazar aýdarady. Árine, ol klimattyq jaǵdaiǵa da bailanysty ekenin túsinemin. Bul jerde ońai is joq, únemi qalany abattandyrýmen ainalysý kerek. Sebebi astana - memleketimizdiń ainasy, – dedi Memleket basshysy.
