Qyrǵyzstan prezıdenti Almazbek Atambaev eldi turaqty damytý ulttyq keńesiniń besinshi otyrysynda murageriniń kim ekendigi týraly aıtyp berdi, dep jazdy kabar.kg.
Onyń aıtýynsha, ol qaıda barsa da, kimmen kezdesse de barlyǵy odan murager retinde kimdi laıyqty sanaıtynyn suraıdy.
«Bul týraly menen Angela Merkel de, Vladımır Pýtın da surady. Keıbir saıasatkerler men jýrnalıser ózimdi qorǵaıtyn muragerdi tappaı júrgenim týraly maqalalar jazýda. Men tek Alladan qorqatynymdy málimdeımin. Maǵan meni qorǵaıtyn murager emes, bizdiń ulttyq jáne mádenı qundylyqtarymyzdy saqtap, halqymyzdy qorǵaıtyn murager kerek»
- dedi Atambaev.
«Elimizdiń barlyq azamattary - meniń muragerlerim. Bizdiń árqaısysymyz, árbir qyrǵyz azamaty - ata-babalarymyzdyń murageri bolyp tabylady. Kelesi prezıdenttiń kim bolatynyn - saılaý kórsetedi. Men ony bilmeımin. Meniń mindetim - ádil jáne ashyq saılaý ótkizý», - dep málimdedi Qyrǵyzstan prezıdenti. Buryn habarlanǵandaı, Qyrǵyzstanda prezıdent saılaýy konstıtýsıalyq zańǵa sáıkes, 2017 jyldyń 19 qarasha kúni ótedi.
Derekkóz: QazAqparat
