Qazaqstan Prezıdentine kompanıanyń jumysy men shyǵaratyn ónimderi týraly málimet berildi. Kompanıa basshylyǵy «Dolce» kásipornynyń el naryǵynda 1998 jyldan beri jumys istep kele jatqanyn aıtty. 372 adam eńbek etip jatqan kásiporyn 160-tan astam ónim shyǵarady. Olardyń arasynda qazirgi ýaqytta asa qajet medısınalyq qolǵaptar, úsh jáne tórt qabatty betperdeler, halattar, dári-dármekter bar. Kompanıanyń jyldyq qarjy aınalymy – 8,4 mlrd teńge.

Memleket basshysyna oblystaǵy densaýlyq saqtaý salasynyń jaǵdaıy týraly baıandaldy.

Almaty oblysynda koronavırýsqa qarsy is-sharalar aıasynda qysqa merzimde 200 tósektik juqpaly aýrýlar aýrýhanasy salynyp, 180 jedel járdem kóligi jáne 12 jyljymaly medısınalyq keshen satyp alynǵan. Oblystyń 17 aýrýhanasy ottegi stansıalarymen qamtamasyz etilip, tósek-oryndardyń 45 paıyzy oksıgenoterapıamen qamtylǵan. 17 kompúterlik tomograf, 53 rentgen, 75 Haı Flý, 606 jeldetý apparaty jumys istep tur.

Sonymen qatar búginde oblys halqynyń 649 myń turǵyny ekpeniń İ komponentin, 510 myńy II komponentin saldyrǵan. Bul oblys halqynyń 60 paıyzy vaksınamen qamtylǵanyn kórsetedi.

Qasym-Jomart Toqaev oblys basshylyǵyna óńirdegi epıdemıologıalyq jaǵdaıdy únemi baqylaýda ustaýdy, vaksına salý jumysyn jedeldetýdi tapsyrdy.