Búgin QR Bas prokýroryn taǵaiyndaýǵa arnalǵan jiynda Memlekt basshysy Nursultan Nazarbaev qoǵamda qyzý talqylanyp jatqan jer satý máselesine qatysty óz oiyn aitty dep habarlady otandyq BAQ.
Aita keteiik, Jer kodeksine byltyr engizilgen ózgerister aiasynda 2016 jyldyń 1 shildesinen bastap eldegi aýylsharýashylyq jerleriniń bári jekemenshikke aýktsion arqyly satylatyn bolady. Elbasy jer telimderiniń sheteldikterge emes, qazaqstandyqtarǵa ǵana satylatynyn taǵy da atap ótti.
"Zańda jerdi sheteldikterge satý týraly múldem kórsetilmegen. Joq ondai. Jerdiń iesi bolý úshin ony qazaqstandyqtarǵa jekeshelendirip beremiz. Jerdi jaramsyz deńgeige deiin paidalanyp tastamaý úshin osyndai qadamǵa baryp otyrmyz. Jer halyqqa jumys isteýi kerek, bos jata bermei. Bizdegi jerdiń bárin latifýndister basyp alǵan, biri paidalanyp otyr, ekinshileri joq. Bul jer qazaqstandyqtarǵa baqyt alyp kelýi kerek, al qazir túsiniksiz jaǵdailarda paidalanylyp jatyr. Halyqqa durys túsindirmegendikten osyndai jaǵdai oryn alyp otyr" dedi Memleket basshysy atalǵan jiyn barysynda.
