بٷگٸن قر باس پروكۋرورىن تاعايىنداۋعا ارنالعان جيىندا مەملەكت باسشىسى نۇرسۇلتان نازارباەۆ قوعامدا قىزۋ تالقىلانىپ جاتقان جەر ساتۋ مەسەلەسٸنە قاتىستى ٶز ويىن ايتتى دەپ حابارلادى وتاندىق باق.
ايتا كەتەيٸك, جەر كودەكسٸنە بىلتىر ەنگٸزٸلگەن ٶزگەرٸستەر اياسىندا 2016 جىلدىڭ 1 شٸلدەسٸنەن باستاپ ەلدەگٸ اۋىلشارۋاشىلىق جەرلەرٸنٸڭ بەرٸ جەكەمەنشٸككە اۋكتسيون ارقىلى ساتىلاتىن بولادى. ەلباسى جەر تەلٸمدەرٸنٸڭ شەتەلدٸكتەرگە ەمەس, قازاقستاندىقتارعا عانا ساتىلاتىنىن تاعى دا اتاپ ٶتتٸ.
"زاڭدا جەردٸ شەتەلدٸكتەرگە ساتۋ تۋرالى مٷلدەم كٶرسەتٸلمەگەن. جوق ونداي. جەردٸڭ يەسٸ بولۋ ٷشٸن ونى قازاقستاندىقتارعا جەكەشەلەندٸرٸپ بەرەمٸز. جەردٸ جارامسىز دەڭگەيگە دەيٸن پايدالانىپ تاستاماۋ ٷشٸن وسىنداي قادامعا بارىپ وتىرمىز. جەر حالىققا جۇمىس ٸستەۋٸ كەرەك, بوس جاتا بەرمەي. بٸزدەگٸ جەردٸڭ بەرٸن لاتيفۋنديستەر باسىپ العان, بٸرٸ پايدالانىپ وتىر, ەكٸنشٸلەرٸ جوق. بۇل جەر قازاقستاندىقتارعا باقىت الىپ كەلۋٸ كەرەك, ال قازٸر تٷسٸنٸكسٸز جاعدايلاردا پايدالانىلىپ جاتىر. حالىققا دۇرىس تٷسٸندٸرمەگەندٸكتەن وسىنداي جاعداي ورىن الىپ وتىر" دەدٸ مەملەكەت باسشىسى اتالعان جيىن بارىسىندا.
