«Meniń túsinigimde, Prezident – jaldamaly menedjer, halyq onymen belgili bir merzimge kelisimshart jasaidy.
Azamattardyń erkin tańdaýynyń nátijesinde eldegi eń joǵary memlekettik laýazymǵa ie bolǵan adam milliondaǵan otandastarynyń daýysymen bekitilgen kelisimshartqa qol qoiady.
Sondyqtan Prezidenttiń laýazymy – artyqshylyqtan buryn zor jaýapkershilik.
Bul qyzmetti atqarǵan jáne atqaratyn árbir adam eń qatal úsh sottyń – halyqtyń, tarihtyń jáne óz ar-ujdanynyń aldynda jaýap beredi», – dedi ol.
Toqaev sondai-aq senim – eldiń igiligi men damýyna, halyqtyń yntymaǵyna negiz bolatyn qasterli uǵym ekenin jetkizgen.
Birneshe kúnnen keiin prezidenttik sailaý ótetinin eske salǵan Toqaev búkil sailaý naýqany sekildi daýys berýdiń ózi de taza, ashyq ári ádil ótýi kerek ekenin basa aitqan.
"Sailaýdyń nátijesi Qazaqstannyń aldaǵy 7 jylda qalai damitynyn anyqtaidy. Sailaý kezinde ádildikti múltiksiz saqtaý azamattardyń memleketke degen senimin odan ári nyǵaitýdyń kepili bolmaq", - degen prezident.
