«مەنىڭ تۇسىنىگىمدە، پرەزيدەنت – جالدامالى مەنەدجەر، حالىق ونىمەن بەلگىلى ءبىر مەرزىمگە كەلىسىمشارت جاسايدى.
ازاماتتاردىڭ ەركىن تاڭداۋىنىڭ ناتيجەسىندە ەلدەگى ەڭ جوعارى مەملەكەتتىك لاۋازىمعا يە بولعان ادام ميلليونداعان وتانداستارىنىڭ داۋىسىمەن بەكىتىلگەن كەلىسىمشارتقا قول قويادى.
سوندىقتان پرەزيدەنتتىڭ لاۋازىمى – ارتىقشىلىقتان بۇرىن زور جاۋاپكەرشىلىك.
بۇل قىزمەتتى اتقارعان جانە اتقاراتىن ءاربىر ادام ەڭ قاتال ءۇش سوتتىڭ – حالىقتىڭ، تاريحتىڭ جانە ءوز ار-ۇجدانىنىڭ الدىندا جاۋاپ بەرەدى»، – دەدى ول.
توقايەۆ سونداي-اق سەنىم – ەلدىڭ يگىلىگى مەن دامۋىنا، حالىقتىڭ ىنتىماعىنا نەگىز بولاتىن قاستەرلى ۇعىم ەكەنىن جەتكىزگەن.
بىرنەشە كۇننەن كەيىن پرەزيدەنتتىك سايلاۋ وتەتىنىن ەسكە سالعان توقايەۆ بۇكىل سايلاۋ ناۋقانى سەكىلدى داۋىس بەرۋدىڭ ءوزى دە تازا، اشىق ءارى ءادىل ءوتۋى كەرەك ەكەنىن باسا ايتقان.
"سايلاۋدىڭ ناتيجەسى قازاقستاننىڭ الداعى 7 جىلدا قالاي داميتىنىن انىقتايدى. سايلاۋ كەزىندە ادىلدىكتى مۇلتىكسىز ساقتاۋ ازاماتتاردىڭ مەملەكەتكە دەگەن سەنىمىن ودان ءارى نىعايتۋدىڭ كەپىلى بولماق"، - دەگەن پرەزيدەنت.
