Búgin, 23 jeltoqsanda Memleket basshysy Qasym-Jomart Toqaev Energetika ministri Almasadam Sátqalievti qabyldady, dep jazady Dalanews.kz.
Aqorda baspasóz qyzmetiniń habarlaýynsha, Prezidentke vedomstvo jumysynyń negizgi qorytyndylary men elimizdegi otyn-energetika keshenin damytý jospary, sondai-aq munai-gaz jáne energetika salalaryndaǵy iri jobalardyń júzege asyrylýy jóninde aqparat berildi.
Qasym-Jomart Toqaevqa jylytý maýsymynyń barysy jáne jylý-elektrmen qamtý boiynsha iri nysandardyń jumysy týraly baiandaldy.
Memleket basshysy jylytý maýsymyn erekshe baqylaýda ustaýdy jáne energetika infraqurylymyn jańǵyrtýǵa qatysty jobalardy iske asyrýdy tapsyrdy.
Prezident Qazaqstandaǵy atom elektr stantsiiasynyń qurylysyn jedeldetýdiń mańyzyn atap ótti.
Aita ketsek, Almaty oblysy Jambyl aýdany Úlken aýyly mańynda qýattylyǵy 2–2,8 GVt bolatyn atom elektr stantsiiasyn salý máselesi talqylanyp jatyr.
