بۇگىن، 23 جەلتوقساندا مەملەكەت باسشىسى قاسىم-جومارت توقايەۆ ەنەرگەتيكا ءمينيسترى الماسادام ساتقالييەۆتى قابىلدادى، دەپ جازادى Dalanews.kz.
اقوردا باسپا ءسوز قىزمەتىنىڭ حابارلاۋىنشا، پرەزيدەنتكە ۆەدومستۆو جۇمىسىنىڭ نەگىزگى قورىتىندىلارى مەن ەلىمىزدەگى وتىن-ەنەرگەتيكا كەشەنىن دامىتۋ جوسپارى، سونداي-اق مۇناي-گاز جانە ەنەرگەتيكا سالالارىنداعى ءىرى جوبالاردىڭ جۇزەگە اسىرىلۋى جونىندە اقپارات بەرىلدى.
قاسىم-جومارت توقايەۆقا جىلىتۋ ماۋسىمىنىڭ بارىسى جانە جىلۋ-ەلەكترمەن قامتۋ بويىنشا ءىرى نىسانداردىڭ جۇمىسى تۋرالى باياندالدى.
مەملەكەت باسشىسى جىلىتۋ ماۋسىمىن ەرەكشە باقىلاۋدا ۇستاۋدى جانە ەنەرگەتيكا ينفراقۇرىلىمىن جاڭعىرتۋعا قاتىستى جوبالاردى ىسكە اسىرۋدى تاپسىردى.
پرەزيدەنت قازاقستانداعى اتوم ەلەكتر ستانسياسىنىڭ قۇرىلىسىن جەدەلدەتۋدىڭ ماڭىزىن اتاپ ءوتتى.
ايتا كەتسەك، الماتى وبلىسى جامبىل اۋدانى ۇلكەن اۋىلى ماڭىندا قۋاتتىلىعى 2–2،8 گۆت بولاتىن اتوم ەلەكتر ستانسياسىن سالۋ ماسەلەسى تالقىلانىپ جاتىر.
