Aıtalyq, «Astana Motors» kompanıasynyń negizin salýshy Nurlan Smaǵulov Prezıdentpen kezdesýi kezinde mekemeniń jergilikti jáne respýblıkalyq búdjetke 140 mıllıard teńge kólemindegi salyqtyń, baj, alymdar men basqa da mindetti tólemderdiń tólengendigin aıtty.
«Astana Motors» kompanıasy elimiz boıynsha halyqty jumyspen qamtyǵan úlken kásiporyndardyń biri. Al onyń ónimderi, ıaǵnı Hyundai Trans Kazakhstan jáne Hyundai Trans Almaty zaýyttary ótken jyly 48 857 jeńil kólik jáne 981 komersıalyq tehnıka shyǵarǵandyǵyn baıandady.
Nurlan Smaǵulov Qazaqstanda tanymal bolyp kele jatqan qytaılyq kólikterdi óndiretin mýltıbrendtik Astana Motors Manufacturing Kazakhstan zaýytynyń qurylysy júrgizilip jatqandyǵyn, zaýyttyń bolashaqta jylyna 90 myń avtokólik shyǵarýǵa jetetindikin habarlady. Kezdesý sońynda Prezıdent Qazaqstanda óńdeý ónerkásibiniń, onyń ishinde mashına jasaý isin damytý ındýstrıalyq saıasattyń basymdyq beretindigin aıtqan.
Prezıdent «Kaspi.kz» kompanıasynyń jumysymen aldyn ala tanystyrylǵan. Vácheslav Kım men Mıhaıl Lomtadzeniń aıtýlaryna qaraǵanda Kaspi.kz kompanıasynyń AQSH-taǵy NASDAQ qor bırjasynda IPO-ǵa tabysty shyqqany týraly, al bul bırjalarda Amazon, Google, Apple sıaqty basqa da jetekshi kompanıalardyń aksıalary ornalasqan ekendigin baıandaǵan.
Kezdesý kezinde memleket basshysy kompanıanyń negizin qalaýshylardy bundaı jetistikterimen quttyqtady. Sonymen qosa, Prezıdent memleketimizge álemdik shetekshi ınvestorlardy tartý úshin ınvestısıalyq klımatty jaqsartý bolashaǵy talqylandy.
«Qazaqtelekom» Qazaqstandaǵy eń úlken kompanıalardyń biri, qazirgi kezde bul kompanıa 2025 jylǵa deıin 5G jyldamdyǵyndaǵy ǵalamtordy engizý jumystarymen aınalysyp keledi. Bul aksıonerlik qoǵamnyń basqarma tóraǵasy Qýanyshbek Esekeevtiń baıandamasy boıynsha, elimizde 7 myńnan astam bazalyq stansıa salý jospary ázirlengen jáne «Qazaqtelekom» TMD elderi ishinde 5G tehnologıasyn iske qosqan alǵashqy jáne jalǵyz kompanıa bolǵandyǵyn habarlady. Sondaı-aq, Qazaqstan men Ázerbaıjan arasynda Kaspıı teńiziniń túbimen ótetin Transkaspıı talshyqty-optıkalyq baılanys jelisin salý jobasynyń iske asyrylýy týraly esep berdi.
Qasym-Jomart Toqaev «Qazaqtelekom» aksıonerlik qoǵamynyń basqarma tóraǵasy Qýanyshbek Esekeevpen kezdesýi barysynda elimizde áleýmettik jáne ekonomıkalyq salalardy sıfrlandyrý óte mańyzdy ekendigin, jańa telekomýnıkasıalyq tehnologıalardyń múmkindikteri elimizdiń halyqaralyq arenadaǵy básekege qabilettiligin aıqyndaıtyndyǵyn aıtty.
Memleket basshysy Qazaqstan azamattaryn zamanaýı telekomýnıkasıalyq qyzmettermen qamtamasyz etý qajettigin, sol jolda kompanıanyń barlyq ınvestısıalyq jobasyn ýaqyty iske asyrýdyń mańyzdylyǵyn atap ótti.
Qorytyndylaı kele, Qasym-Jomart Toqaevtyń Almaty qalasyna is-sapary qala men onyń turǵyndary úshin mańyzdy máselelerdi sheshýmen bastalǵan bolatyn. Sapar barysynda sport, sýmen qamtamasyz etý, seısmologıalyq qaýipsizdikke qatysty máseleler júıesi, aımaqtaǵy iri kompanıalardyń basshylarymen kezdesýler ótkizdi. Árıne, áli de Almaty qalasynyń damýyna áser etetin kóptegen máseleler bar. Sondyqtan, osy máselelerdi sheshý men qalanyń damýyna Prezıdenttiń yqpal etetindigine senemiz.
