Prezident «ALACEM» tsement zaýytynyń jumysymen tanysty: 26 qazan 2023

Prezident «ALACEM» tsement zaýytynyń jumysymen tanysty

Dalanews 26 qazan, 2023

Memleket basshysy Qasym-Jomart Toqaev Jetisý óńirindegi iri óndiris oshaqtarynyń biri sanalatyn «ALACEM» tsement zaýytyn aralap kórdi, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.

2020 jyly indýstriialandyrý baǵdarlamasy aiasynda iske qosylǵan Qazaqstan-Singapýr birlesken kásipornynda qurǵaq ádispen jylyna 1,5 million tonna tsement óndiriledi. Joba quny – 47 milliard teńge.

Zaýytta, negizinen, azamattyq jáne óndiristik nysandar qurylysynda keńinen paidalanylatyn M400, M450, M500 markaly tsement túrleri shyǵarylady. Mysaly, Úlken Almaty ózenine salynǵan «Aiýsai» bógetiniń qurylysyna osy zaýyttyń ónimi qoldanylǵan.

Kásiporynnyń basqarýshy direktory Stanislav Sherbakovtyń aitýynsha zaýyt Almaty qalasynyń, Jetisý jáne Almaty oblystarynyń tsement ónimine degen suranysyn 65 paiyzǵa deiin qamtamasyz etedi.

Jobany júzege asyrý barysynda ekologiialyq taza, qaldyqsyz óndiris standarttaryna sai keletin ozyq tehnologiialar qoldanylǵan.

Sondai-aq, ónim protsesin basqarý úshin DCS intellektýaldy júiesi engizilgen. Qazir kásiporynnyń óndiris jáne kólik-logistikalyq ýchaskelerinde 600 adam jumys isteidi. Olardyń basym bóligi – jergilikti turǵyndar. Sonymen qatar ónimdi ótkizý, dilerlik jeliler arqyly qosymsha 200-ge jýyq jumys orny ashylǵan.

Kompaniia zaýytty iske qosqaly beri biznestiń áleýmettik jaýapkershiligi aiasynda Kerbulaq aýdanynyń damýyna 2,7 milliard teńge qarjylai qoldaý kórsetken. Bul qarajat «Saryózek – Kóktal» jolyn jóndeýge jáne aýdandaǵy áleýmettik jobalarǵa jumsaldy.

Prezident «ALACEM» tsement zaýytynyń jumysymen tanysty

Oqi otyryńyz

Balqashta týrizmdi damytý: Lepsi aýylynda jańa temir jol vokzaly salynýda, politsiia pýnkti jańǵyrlytyp, aýrýhana jóndelýde

«Tárbie basy – áke qolynda»: Almatyda otbasy qundylyqtaryna arnalǵan forým ótti

«Taza Qala – Taza bolashaq»: Óskemen jastary senbilikke shyqty