Búgin, 2025 jyly 13 naýryzda Memleket basshysy PresightAI kompaniiasynyń basqarma tóraǵasy Tomas Pramotedhamdy qabyldady. Kezdesý barysynda Qazaqstanda ónimdiligi joǵary esepteý, tsifrlyq transformatsiia jáne ozyq tehnologiialardy engizý baǵytyndaǵy yntymaqtastyqty odan ári nyǵaitý máseleleri qarastyryldy, dep habarlaidy Dalanews.kz.
Aqorda baspasóz qyzmetiniń málimetinshe, Prezident tsifrlyq infraqurylymdy damytýdyń mańyzyn atap ótip, elimizde sýperkompiýter klasteriniń negizin qalaý strategiialyq mánge ie ekenine toqtaldy.
Tomas Pramotedham Qasym-Jomart Toqaevqa atalǵan jobanyń júzege asyrylýy jóninde málimet berdi.
Tehnologiiany lokalizatsiialaý jáne qazaqstandyq kompaniialardy birlesken jobalarǵa tartý máselelerine airyqsha nazar aýdaryldy. PresightAI basqarma tóraǵasy otandyq IT-kompaniialardyń biliktilik deńgeiin joǵary baǵalady jáne olarmen uzaqmerzimdi seriktestik qurýǵa qatysty nietin rastady.
Astana ákimdigimen birlese atqarylatyn Smart City jobasy talqylandy. Memleket basshysy qala infraqurylymyn basqarý isine jasandy intellekt sheshimderin paidalanýǵa qoldaý bildirdi. Atap aitqanda, AlemAI halyqaralyq jasandy intellekt ortalyǵynyń bazasynda qala qyzmetteriniń tiimdiligin arttyratyn ahýal ortalyǵy qurylmaq.
Qasym-Jomart Toqaev elimizdiń tsifrlyq transformatsiiasyna jáne tehnologiialyq órleýine septigin tigizetin negizgi bastamalar aiasyndaǵy yntymaqtastyqty jalǵastyrý mańyzdy ekenin aitty.
