Qazaqstanǵa ekonomikalyq damýdyń jańa órisi, baǵyt-baǵdary qajet. Ol tehnologiia, noý-haý, ónerkásiptiń besinshi bólinisine sáikes bolýy kerek.
Prezident Qasym-Jomart Toqaevtyń búgingi Úkimettiń keńeitilgen otyrysynda jasaǵan baiandamasynyń basty aspektisi osy.
Dúniejúzi ekonomikasy búginde túbegeili transformatsiiaǵa ushyraýda. Eýropa elderi, AQSh-ta, infliatsiia deńgeii tarihi maksimýmǵa jetip, 10-paiyzǵa jetip otyr.
Dástúrli logistikalyq magistraldar, tehnologiialyq bailanystar úzilip jatyr. Álemdik ekonomikajeke-jeke «kvartiralarǵa» bólinip, ekonomikalyq kedergiler kóbeiýde. Osyndai kezeńde Qazaqstan óziniń ekonomikasyn damytýdyń jańa ishki rezervterin tabýy qajet.
Sondyqtan Qasym-Jomart Toqaev «kásipkerlik liftiler» jóninde jańa mindet qoiyp otyr. Bizge jańa formattaǵy ozyq tehnologiialardy paidalanýǵa qabiletti, zamannyń ekonomikalyq aǵymyn túsinetin, patriottyq negizdegi biznes ókilderin baýlý mańyzdy.
IJÓ kishi jáne orta biznestiń mólsherin arttyrý eń basty aspekt!
Prezident memlekettik qyzmetkerler "reformator-memleketshil" bolýy tiis dep atap ótti. Bul másele Premer-Ministrden bastap, aýyl ákimine deiin jumys stilderin ózgertý kerek degen sóz.
Osy turǵyda, Prezidenttiń "ákimder jaiaý júrýi kerek" degen sózin keńirek qarastyrý mańyzdy. Halyqqa jaqyn bolý, halyqtyń muń-muqtajyn tereń sezinýi tiis.
Ekonomikalyq damý at tóbelindei toptardyń sheksiz baiýnya emes, barsha halyqtyń ál-aýqatyn artýyna baǵyttalýy tiis.
Sondyqtan, halyqtyń ál-aýqatyn arttyrýdy halyqtyń tvorchestvolyq potentsialyn arttyra otyryp, ekonomikany diversifikatsiia jasap, ulttyq ósimniń ishki rezervterin arttyrý kerek.
Basqa jol joq!
