قازاقستانعا ەكونوميكالىق دامۋدىڭ جاڭا ءورىسى، باعىت-باعدارى قاجەت. ول تەحنولوگيا، نوۋ-حاۋ، ونەركاسىپتىڭ بەسىنشى بولىنىسىنە سايكەس بولۋى كەرەك.
پرەزيدەنت قاسىم-جومارت توقايەۆتىڭ بۇگىنگى ۇكىمەتتىڭ كەڭەيتىلگەن وتىرىسىندا جاساعان بايانداماسىنىڭ باستى اسپەكتىسى وسى.
دۇنيەجۇزى ەكونوميكاسى بۇگىندە تۇبەگەيلى ترانسفورماسياعا ۇشىراۋدا. ەۋروپا ەلدەرى، اقش-تا، ينفلياسيا دەڭگەيى تاريحي ماكسيمۋمعا جەتىپ، 10-پايىزعا جەتىپ وتىر.
ءداستۇرلى لوگيستيكالىق ماگيسترالدار، تەحنولوگيالىق بايلانىستار ءۇزىلىپ جاتىر. الەمدىك ەكونوميكاجەكە-جەكە «كۆارتيرالارعا» ءبولىنىپ، ەكونوميكالىق كەدەرگىلەر كوبەيۋدە. وسىنداي كەزەڭدە قازاقستان ءوزىنىڭ ەكونوميكاسىن دامىتۋدىڭ جاڭا ىشكى رەزەرۆتەرىن تابۋى قاجەت.
سوندىقتان قاسىم-جومارت توقايەۆ «كاسىپكەرلىك ليفتىلەر» جونىندە جاڭا مىندەت قويىپ وتىر. بىزگە جاڭا فورماتتاعى وزىق تەحنولوگيالاردى پايدالانۋعا قابىلەتتى، زاماننىڭ ەكونوميكالىق اعىمىن تۇسىنەتىن، پاتريوتتىق نەگىزدەگى بيزنەس وكىلدەرىن باۋلۋ ماڭىزدى.
ءىجو كىشى جانە ورتا بيزنەستىڭ مولشەرىن ارتتىرۋ ەڭ باستى اسپەكت!
پرەزيدەنت مەملەكەتتىك قىزمەتكەرلەر "رەفورماتور-مەملەكەتشىل" بولۋى ءتيىس دەپ اتاپ ءوتتى. بۇل ماسەلە پرەمەر-مينيستردەن باستاپ، اۋىل اكىمىنە دەيىن جۇمىس ستيلدەرىن وزگەرتۋ كەرەك دەگەن ءسوز.
وسى تۇرعىدا، پرەزيدەنتتىڭ "اكىمدەر جاياۋ ءجۇرۋى كەرەك" دەگەن ءسوزىن كەڭىرەك قاراستىرۋ ماڭىزدى. حالىققا جاقىن بولۋ، حالىقتىڭ مۇڭ-مۇقتاجىن تەرەڭ سەزىنۋى ءتيىس.
ەكونوميكالىق دامۋ ات توبەلىندەي توپتاردىڭ شەكسىز بايۋنىا ەمەس، بارشا حالىقتىڭ ءال-اۋقاتىن ارتۋىنا باعىتتالۋى ءتيىس.
سوندىقتان، حالىقتىڭ ءال-اۋقاتىن ارتتىرۋدى حالىقتىڭ تۆورچەستۆولىق پوتەنسيالىن ارتتىرا وتىرىپ، ەكونوميكانى ديۆەرسيفيكاسيا جاساپ، ۇلتتىق ءوسىمنىڭ ىشكى رەزەرۆتەرىن ارتتىرۋ كەرەك.
باسقا جول جوق!
