Premer-Ministrdiń orynbasary Qanat Bozymbaev Abai oblysyna jumys saparymen keldi,– dep habarlaidy Dalanews.kz
Úkimet basshysynyń orynbasary sapar aiasynda oblys ákimi Berik Ýáli jáne Tótenshe jaǵdailar ministrligi ókilderimen birge «Semei ormany» tabiǵi rezervaty aýmaǵyn tikushaqpen baqylap, órtten zardap shekken alqaptarǵa áýeden monitoring júrgizdi.
Jalpy jyl basynan beri oblys aýmaǵynda 1 orman órti, 1 dala órti jáne 66 qurǵaq shóptiń janý faktisi tirkelgen.
Sodan soń Qanat Bozymbaev «Semei ormany» memlekettik tabiǵi rezervatynyń qyzmetimen tanysty.
Mekeme direktory Dáýlet Baibolatov rezervat jumysy týraly baiandady.
Qazirgi tańda «Semei ormany» tabiǵi rezervatynyń quramynda 10 filial men 34 ormanshylyq bar. 30 órt sóndirý stantsiiasy jumys isteidi. Sondai-aq, 79 órt sóndirý kóligi, 27 shaǵyn orman órt sóndirý kesheni jáne 35 órt-baqylaý munarasy bar.
Rezervatta 177 adam eńbek etedi. Órt qaýpi joǵary kezeńde 425 adamǵa deiin ýaqytsha jumysqa qabyldanady.
Úkimet basshysynyń orynbasary óńirde órt oqiǵalaryn azaitý úshin aldyn alý sharalaryna kóńil bólý kerektigin atap ótti. «Semei ormany» tabiǵi rezervaty men oblystyq Tótenshe jaǵdailar departamenti birlese jumys isteýi qajettigin aityp, ormandy qyzyl jalynnan qorǵaityn mineraldy jolaqtardyń sanyn kóbeitýdi tapsyrdy.
Premer-Ministrdiń orynbasary Tótenshe jaǵdailar departamentiniń tehnikalyq jaraqtandyrylýymen jáne óńirdiń órt maýsymyna daiyndyq sharalarymen de tanysty.
Saladaǵy ahýal týraly oblystyq Tótenshe jaǵdailar departamentiniń bastyǵy Manarbek Shapaǵatov baiandady.
Órt qaýipsizdigin qamtamasyz etý maqsatynda oblystyq departamenttiń quramynda 17 avtotsisterna, 3 adam tasymaldaityn jol talǵamaityn tehnika, 1 komandalyq-shtabtyq kólik jáne 118 qyzmetker daiyn tur. Qajet jaǵdaida qosymsha 348 adam men 69 tehnika jumyldyrylady. Olardyń qatarynda QR TJM, Qorǵanys ministrligi jáne Ulttyq ulan kúshteri bar.
Órtke áýe arqyly áreket etý úshin N-125 jáne MI-8 tikushaqtary kezekshilik atqarady. Sondai-aq, shekaraǵa jaqyn aýyldarda drondar men spýtniktik bailanys júiesi bar mobildi beketter ashylǵan.
Oblysta 70 órt sóndirý beketi bar, onyń 11-i jyl boiy turaqty rejimde jumys isteidi. Biyl «Aýyl qutqarýshylary» baǵdarlamasy aiasynda Besqaraǵai aýdanynda jańa órt sóndirý beketi ashyldy. Jyl sońyna deiin taǵy 3 jańa beket ashý josparlanǵan.
