Taiaýda "Abai" mádeni-aqparattyq ortalyǵy Cheh astnasy Praga qalasynda ashyldy. Ortalyqty ashýdaǵy maqsat qazaqtyń bas aqyny Abai ortalyǵynyń mindeti – qazaq ádebieti men rýhaniiatynyń damýyna úles qosý, oishyl shyǵarmalaryn oqý mádenietin qalyptastyryp, aqyn muralaryn shetelderdegi ǵalymdardyń zertteýine jáne ǵylymi eńbekterdiń kóptep jazylýyna túrtki bolý. Biregei ortalyqta san túrli týyndylar men elektrondy aqparattyq resýrstar jinaqtalǵan. CD-diskiler, aqparattyq jáne merzimdi basylymdar, ǵylymi ádebietter bar.
Buǵan qosa, Abai jáne onyń shyǵarmasy jaily qazaqstandyq Ulttyq elektrondy kitaphanada 800-den astam basylym toptasqan. «Abai» mádeni-aqparattyq ortalyǵy aqynnyń danalyq dúnietanymyn saralaý, jekelegen ǵibratty oi túiinderin, óleńderi men qara sózderindegi filosofiialyq tujyrymdaryna túsinik berýdi kózdeidi. Sonymen birge, «Abai» romanynyń shyqqan alǵashqy basylymdary, Abai týraly shyǵarmalar men sýretshilerdiń qujattary, murajailar jáne eskertkishter týraly málimetter, uly aqynnyń beinesin salǵan belgili sýretshilerdiń reprodýktsiialarynyń kóshirmeleri men illiýstratsiialyq kitap jáne foto kórmeleri kitapsúier oqyrman nazaryna usynylǵan. Ortalyq jaily aqparat Mádeniet jáne sport ministriniń saitynda jariialanǵan.
Aita keteiik, Abai Qunanbaiulynyń 175 jyldyq mereitoiy saltanatty túrde Elordada ashylǵan bolatyn. QR Mádeniet jáne sport ministri Aqtoty Raiymqulova bul sharalar aqyn rýhyn asqaqtatý úshin uiymdastyrylǵanyn aitqan.
– Uly aqynnyń mereitoiynda halyqaralyq, respýblikalyq jáne oblys, aýdandyq deńgeide 500den astam is-shara josparlanǵan. Mańyzdylarynyń biri – tamyz aiynda Semei qalasynda ótetin ǵylymi-tájiribelik konferentsiia. Sonymen qatar, qazanda Elordada aýqymdy halyqaralyq konferentsiia ótpek. Aqynnyń óleńderi men qara sózderi álemniń on tiline aýdarylady. Aýdarma sapasyna basa mán beriledi. Abai týraly birneshe derekti film jáne teleserial túsirý josparda bar. Shetelderdegi Qazaqstannyń elshilikteri janynan «Abai ortalyqtary» ashylady. Bul – álemge aqynnyń eńbekteri men ulttyq qundylyqtarymyzdy qatar tanytý degen sóz. Aqynnyń ǵibratty ǵumyry halqymyzdyń tól óneri – aitys arqyly da keńinen nasihattalady, – dedi ministr.
