Biyl Memleket basshysy Qasym-Jomart Toqaevtyń Qazaqstan halqyna Joldaýy el aldynda turǵan jańa mindetter aiasynda erekshe mánge ie boldy,- dep habarlaidy Dalanews.kz
Aqtóbe oblysynan bul mańyzdy sharaǵa qatysqandardyń biri – ataqty metallýrgter áýletiniń ókili, «Qazhrom» TUK» AQ Aktóbe ferroqorytpa zaýytynyń tseh masteri Nurlan Baimýldin. Ol ákesi men atalarynyń jolyn laiyqty jalǵastyryp, otandyq ónerkásiptiń damýyna úles qosyp keledi.
Baimýldinder áýletiniń jalpy eńbek ótili metallýrgiia salasynda 300 jyldan asady. Bul tarih Berkin men Tóleý Baimýldinderden bastaý alyp, búginde olardyń nemeresi Nurlannyń eńbegimen jalǵasýda. Qazir ol shlaktardy qaita óńdeý tsehynda aýysym sheberi bolyp jumys isteidi.
Nurlan Baimýldinniń eńbek joly erekshe nazar aýdararlyq: qarapaiym slesar-remontnikten bastalyp, óndiristik ujym basshylyǵyna deiin kóterildi. 11 jyl ishinde ol ózin bilikti maman, uqypty tálimger jáne zaýyttyń qoǵamdyq ómirine belsene aralasatyn azamat retinde kórsete bildi. Onyń óndiristik protsesterdi jetildirýge baǵyttalǵan usynystary tabysty engizilip keledi. Qazirgi tańda onyń qaramaǵynda jeti jumysshy eńbek etedi.
Metallýrgter áýleti birneshe márte úlgili otbasy retinde tanylyp, 2016 jyly QR Densaýlyq saqtaý jáne áleýmettik damý ministrliginiń, 2018 jyly Eńbek jáne halyqty áleýmettik qorǵaý ministrliginiń marapattaryna ie bolǵan.
Nurlan Baimýldin Prezident Joldaýynan keiingi áserin bólisti.
– Elbasynyń Joldaýy bizge úlken jiger beredi, bolashaqqa senim uialatady. Ásirese, ónerkásiptiń damýy, tsifrlandyrý jáne bilikti kadrlardy daiarlaý máselelerine erekshe kóńil bólinýi – biz, eńbek adamdary úshin óte mańyzdy. Biylǵy «Jumysshy mamandyqtary jyly» bizdiń áýlet úshin erekshe mánge ie. Prezidentimizdiń eńbek adamdaryna degen qurmeti – úlken mártebe ári jaýapkershilik. Jańa bastamalar jastarǵa jumysshy mamandyqtarynyń bolashaǵy bar ekenin kórsetip, eńbek dástúrin jalǵastyrýǵa jol ashady. Úlkenderdiń tájiribesi men qazirgi zamannyń múmkindikterin ushtastyra otyryp, biz myqty Qazaqstan quratynymyzǵa senimdimin, - dedi ol.
Baimýldinder áýletiniń tarihy men olardyń búgingi urpaqtarynyń eńbegi – otandyq ónerkásiptiń tiregi jáne óz kásibine adaldyqtyń aiqyn úlgisi bolyp qala beredi.
