Qyzyq kórip, men de ornymnan turdym da sol jerden ótip bara jatqan syńai tanytyp, jəi ǵana ishke qarai kóz qiyǵymdy saldym, sóitsem dastarhanda jalǵyz ózi ǵana otyr. Qasynda jan balasy joq. Kishkentai ǵana dastarhandy túrli taǵammen bezendirip tastapty.
Vagondaǵy búkil əielder sol qyzdyń túsiniksiz əreketine tań qalysyp, sony qyzyq kórip syrttai tamashalaýda. Sulý qyz ústine búkil ədemi kiimin kiip alǵan, boianyp jasanǵany taǵy bar. "Myna sulýdyń dastarhanynda qustyń sútinen basqasynyń bəri bar. Biraq ony iship-jeitin ózinen basqa tiri jan joq", – dep bəri bir-birine əzil aralas kúbirlesip jatty. Qyzdyń ózinen suraiyn dese, kózi jasqa tolyp, tipti bizge jaýap beretin jaǵdaida emes.
...Aradan jarty saǵat ótti. Bir kezde əlgi qyz qolyn kóterip, ishtei duǵa jasap betin sipady da dastarhannan turdy. Bərimizge bir-bir bólikten tort taratyp, sonymen qatar, salat, tamaqtan aýyz tigizdi.
Ań-tań bolǵan kópshilik qyzdan jaǵdaidyń mən-jaiyn surastyryp jatyr. Sóitsek, sol kúni – əlgi qyzdyń bir jyl buryn qaitys bolǵan anasynyń týǵan kúni eken. Anasynyń qaitys bolǵanynan keiingi birinshi týǵan kúnin jolda ótkizipti. Tiri kúninde anasyna ər týǵan kúninde óz qolymen tort pisirýdi ədetke ainaldyrǵan boijetken, bul joly da óz qolymen pisirgen tortyn jolǵa birge ala shyǵypty...
Pendemiz ǵoi, məseleniń anyq-qanyǵyn bilmei jatyp, oilanbai ərnərseni áńgime qyldyq. Anasyn saǵynǵan qyzdyń sezimin kúlkige ainaldyrǵan bárimiz uialyp qaldyq.
Əlgi qyz barlyq adamǵa jeke-jeke dəmnen úles taratyp bolǵan soń, óz ornyna jata ketip, sol jatqannan jastyq qushaqtap uzaq ýaqyt boiy ebil-sebil jylaýmen boldy.
Bárimiz tragediialyq kinodan úzindi kórgendei qatty əserdiń qushaǵynda boldyq. Vagonda osy kóriniske kýə bolǵan adamdardyń arasynan egilip kózine jas almaǵan jan qalmady-aý.
Qyzdy qatty aiadym. Pendeniń aiaǵany ne bolsyn, Allanyń aiaǵanyn tiledim. Taǵdyrlar ər alýan eken. Eshkimdi Alla ata-anasynan erte aiyrmasan. Qyzdyń jas úiirilgen janary əlige deiin kóz aldymnan keter emes.
Sanjar Ǵulama
https://dalanews.kz/14377
