M.Aitymbetov ataýly áleýmettik kómek almai turyp, isin órge domalata almaǵan. Iaǵni, omartashylyqqa qajetti qural-saimandardy túgeldeýge shamasy jetpepti.
Al byltyrǵy jyly otbasymyzǵa bereke kirdi deidi ol shattanyp. Úkimetten 9 balaǵa ataýly áleýmettik kómektiń arqasynda 1 mln 498 myń teńge qarjy berilgen. Osy qarjyǵa ol bal óndiretin diirmen, omarta jáshikterin, kóshirýge tirkeme satyp alypty.
– Biz aýyldaǵy úlken otbasy sanalamyz. Januiamyzda 11 janbyz. Allanyń bergen 9 ul-qyzy bar. Solardyń nesibesine byltyrǵy jyly úkimetten ataýly áleýmettik kómek taǵaiyndaldy. Qujatty der kezinde daiyndap, jergilikti ákimdikke ótkizdik. Kóp uzamai úlken qarjyǵa qol jetkizip, ózimniń sharýashylyǵyma qajetti bar kerek-jaraqty satyp aldym. Búginde sonyń arqasynda baldyń 10 túrin óndirip jatyrmyn, – deidi Málik Aitymbetov.
Áieli Naǵima Aitymbetova altyn alqa iegeri. Jýyrda ǵana ol bala kútiminen bosap, bir mekemege tazalaýshy bop ornalasypty. Ailyq jalaqysy – 40 myń teńgeni quraidy.
Túrkistan oblysynyń Óńirlik kommýnikatsiialar qyzmeti
