م.ايتىمبەتوۆ اتاۋلى الەۋمەتتىك كومەك الماي تۇرىپ، ءىسىن ورگە دومالاتا الماعان. ياعني، ومارتاشىلىققا قاجەتتى قۇرال-سايمانداردى تۇگەلدەۋگە شاماسى جەتپەپتى.
ال بىلتىرعى جىلى وتباسىمىزعا بەرەكە كىردى دەيدى ول شاتتانىپ. ۇكىمەتتەن 9 بالاعا اتاۋلى الەۋمەتتىك كومەكتىڭ ارقاسىندا 1 ملن 498 مىڭ تەڭگە قارجى بەرىلگەن. وسى قارجىعا ول بال وندىرەتىن ديىرمەن، ومارتا جاشىكتەرىن، كوشىرۋگە تىركەمە ساتىپ الىپتى.
– ءبىز اۋىلداعى ۇلكەن وتباسى سانالامىز. جانۇيامىزدا 11 جانبىز. اللانىڭ بەرگەن 9 ۇل-قىزى بار. سولاردىڭ نەسىبەسىنە بىلتىرعى جىلى ۇكىمەتتەن اتاۋلى الەۋمەتتىك كومەك تاعايىندالدى. قۇجاتتى دەر كەزىندە دايىنداپ، جەرگىلىكتى اكىمدىككە وتكىزدىك. كوپ ۇزاماي ۇلكەن قارجىعا قول جەتكىزىپ، ءوزىمنىڭ شارۋاشىلىعىما قاجەتتى بار كەرەك-جاراقتى ساتىپ الدىم. بۇگىندە سونىڭ ارقاسىندا بالدىڭ 10 ءتۇرىن ءوندىرىپ جاتىرمىن، – دەيدى مالىك ايتىمبەتوۆ.
ايەلى ناعيما ايتىمبەتوۆا التىن القا يەگەرى. جۋىردا عانا ول بالا كۇتىمىنەن بوساپ، ءبىر مەكەمەگە تازالاۋشى بوپ ورنالاسىپتى. ايلىق جالاقىسى – 40 مىڭ تەڭگەنى قۇرايدى.
ومارتاشىلىقتى كاسىپ ەتكەن وتباسىنىڭ ۇلكەندەرى نۇر-سۇلتان قالاسىنداعى جوعارى وقۋ ورنىندا وقيدى ەكەن. ولاردىڭ ەندىگى ارماندارى – ومارتاشىلىقتى كەڭەيتىپ، بال اراسى ورنالاسقان تىركەمەلەردى تاسيتىن جۇك كولىگىن ساتىپ الۋ.
تۇركىستان وبلىسىنىڭ وڭىرلىك كوممۋنيكاسيالار قىزمەتى
