Astana qalalyq politsiia departamenti áleýmettik jelilerde Kaspii qubyr konsortsiýmyna (KQK) jasalǵan shabýyldardy qoldaǵan pikirlerdiń jariialanýyna bailanysty qylmystyq is qozǵady, dep habarlaidy Dalanews.kz.
Bul týraly Májilis depýtaty Aidos Sarymnyń depýtattyq saýalyna berilgen resmi jaýapta aitylǵan.
Politsiia málimetinshe, áleýmettik jelilerde belgisiz tulǵalar memleket pen azamattar úshin asa mańyzdy infraqurylym nysandaryna jasalǵan shabýyldardy qoldaýǵa baǵyttalǵan pikirler qaldyrǵan. Atalǵan derek boiynsha QR Qylmystyq kodeksiniń 174-baby «Áleýmettik, ulttyq alaýyzdyqty qozdyrý» boiynsha qylmystyq is tirkelgen.
Sonymen qatar, bul jariialanymdar memleketke opasyzdyq jasaý nemese terrorizmdi nasihattaý baptary boiynsha saralanbaǵan. Aita keteiik, buǵan deiin depýtat Aidos Sarym dál osy baptarmen qylmystyq jaýapkershilik qarastyrýdy usynǵan bolatyn.
Qazirgi ýaqytta politsiia atalǵan jazbalardyń avtorlaryn anyqtaý baǵytynda jedel-izdestirý sharalaryn júrgizip jatyr.
