استانا قالالىق پوليتسييا دەپارتامەنتٸ ەلەۋمەتتٸك جەلٸلەردە كاسپيي قۇبىر كونسورتسيۋمىنا (كقك) جاسالعان شابۋىلداردى قولداعان پٸكٸرلەردٸڭ جارييالانۋىنا بايلانىستى قىلمىستىق ٸس قوزعادى, دەپ حابارلايدى Dalanews.kz.
بۇل تۋرالى مەجٸلٸس دەپۋتاتى ايدوس سارىمنىڭ دەپۋتاتتىق ساۋالىنا بەرٸلگەن رەسمي جاۋاپتا ايتىلعان.
پوليتسييا مەلٸمەتٸنشە, ەلەۋمەتتٸك جەلٸلەردە بەلگٸسٸز تۇلعالار مەملەكەت پەن ازاماتتار ٷشٸن اسا ماڭىزدى ينفراقۇرىلىم نىساندارىنا جاسالعان شابۋىلداردى قولداۋعا باعىتتالعان پٸكٸرلەر قالدىرعان. اتالعان دەرەك بويىنشا قر قىلمىستىق كودەكسٸنٸڭ 174-بابى «ەلەۋمەتتٸك, ۇلتتىق الاۋىزدىقتى قوزدىرۋ» بويىنشا قىلمىستىق ٸس تٸركەلگەن.
سونىمەن قاتار, بۇل جارييالانىمدار مەملەكەتكە وپاسىزدىق جاساۋ نەمەسە تەرروريزمدٸ ناسيحاتتاۋ باپتارى بويىنشا سارالانباعان. ايتا كەتەيٸك, بۇعان دەيٸن دەپۋتات ايدوس سارىم دەل وسى باپتارمەن قىلمىستىق جاۋاپكەرشٸلٸك قاراستىرۋدى ۇسىنعان بولاتىن.
قازٸرگٸ ۋاقىتتا پوليتسييا اتالعان جازبالاردىڭ اۆتورلارىن انىقتاۋ باعىتىندا جەدەل-ٸزدەستٸرۋ شارالارىن جٷرگٸزٸپ جاتىر.
