ٶزبەكستاننىڭ سامارقاند وبلىسىنداعى كاتتاقورعان اۋداندىق قىلمىستىق ٸستەر سوتى 27 جاستاعى جەرگٸلٸكتٸ تۇرعىن ا.ح.-تى «جالدامالىلىق» جەنە «شەت مەملەكەتتٸڭ قارۋلى قاقتىعىسىنا قاتىسۋ» باپتارى بويىنشا كٸنەلٸ دەپ تانىپ, 3 جىل 1 ايعا باس بوستاندىعىنان ايىردى, دەپ حابارلايدى dalanews.kz.
جەرگٸلٸكتٸ باق-تىڭ حابارلاۋىنشا, ول رەسەيدە ەسكەر قاتارىنا تارتىلىپ, ۋكرايناداعى سوعىسقا قاتىسقان. Kun.uz باسىلىمىنىڭ سوت قۇجاتتارىنا سٸلتەمە جاساپ جازۋىنشا, ٶزبەكستاندىق ازامات 2023 جىلى رەسەيگە جۇمىس ٸزدەپ بارعان. كەيٸن ول ەسٸرتكٸ ساۋداسىنا قاتىستى ايىپپەن ۇستالىپ, 12 جىلعا سوتتالعان.
سوتتا بەرگەن جاۋابىندا ەر ادام ٶزٸنە تاعىلعان ايىپتىڭ نەگٸزسٸز ەكەنٸن مەلٸمدەگەن. ونىڭ ايتۋىنشا, ەكٸ اي بويى قىسىم مەن ازاپتاۋعا ۇشىراعاننان كەيٸن عانا كٸنەسٸن مويىنداۋعا مەجبٷر بولعان. سونداي-اق ول رەسەي تٷرمەسٸندە وتىرعان كەزدە ەسكەري قىزمەتكە تارتىلىپ, كەيٸن ۋكرايناداعى سوعىسقا جٸبەرٸلگەنٸن ايتقان.
ٸس ماتەريالدارىنا سەيكەس, ٶزبەكستان زاڭناماسى ٶز ازاماتتارىنىڭ شەتەل مەملەكەتتەردٸڭ قارۋلى قاقتىعىستارىنا قاتىسۋىنا تىيىم سالادى. وسىعان بايلانىستى سوت ونى جالدامالىلىق جەنە شەتەلدٸك قارۋلى قۇرىلىمداردىڭ قۇرامىندا سوعىس قيمىلدارىنا قاتىسۋ باپتارى بويىنشا كٸنەلٸ دەپ تانىعان.
