قازاقستاندا تٷندە قالا كٶشەلەرٸندە زاڭسىز جارىس ۇيىمداستىراتىن كٶلٸك جٷرگٸزۋشٸلەرٸ كٶپ جاعدايدا جاۋاپكەرشٸلٸكتەن قۇتىلىپ كەتەدٸ. بۇل مەسەلەنٸ قۇرىلتاي دەپۋتاتى ادامبەك كەندەباي كٶتەردٸ, دەپ حابارلايدى dalanews.kz.
دەپۋتاتتىڭ ايتۋىنشا, قالالاردىڭ ورتالىق كٶشەلەرٸندە موتوتسيكل مەن تيۋنينگ جاسالعان كٶلٸك جٷرگٸزۋشٸلەرٸ رۇقساتسىز جارىس ۇيىمداستىرىپ, جىلدامدىقتى ارتتىرادى. كەيبٸرٸ پيروتەحنيكانى قولدانىپ, تۇرعىن ٷيلەر ورنالاسقان اۋدانداردا ەدەيٸ قاتتى شۋ شىعارادى.
«بۇل مەسەلە جول قوزعالىسى ەرەجەسٸن بۇزۋدان ەلدەقاشان اسىپ, قوعامدىق قاۋٸپسٸزدٸك مەسەلەسٸنە اينالىپ وتىر. سونىمەن قاتار ازاماتتاردىڭ تىنىعۋىنا كەرٸ ەسەر ەتٸپ, تٷنگٸ تىنىشتىقتى بۇزادى. الايدا كٶپتەگەن جاعدايدا قۇقىق بۇزۋشىلار جاۋاپكەرشٸلٸكتەن قۇتىلىپ كەتەدٸ», – دەدٸ ادامبەك كەندەباي قۇرىلتاي وتىرىسىندا.
دەپۋتات مۇنىڭ بٸرنەشە سەبەبٸ بار ەكەنٸن اتاپ ٶتتٸ. ونىڭ ايتۋىنشا, مۇنداي قۇقىق بۇزۋشىلىقتار سيرەك تٸركەلەدٸ جەنە كٶپ جاعدايدا شارا ازاماتتاردىڭ شاعىمىنان كەيٸن عانا قابىلدانادى.
وسىعان بايلانىستى كەندەباي ٸشكٸ ٸستەر مينيسترلٸگٸنە كٶلٸك قوزعالىسىن باقىلاۋ جٷيەلەرٸنە ارنايى اكۋستيكالىق قۇرىلعىلار مەن شۋ ٶلشەگٸشتەردٸ بٸرٸكتٸرٸپ, رۇقسات ەتٸلگەن دەڭگەيدەن اساتىن شۋدى اۆتوماتتى تٷردە انىقتايتىن پيلوتتىق جوبانى ٸسكە قوسۋدى ۇسىندى.
دەپۋتات مۇنداي جٷيەلەردٸڭ شەتەلدە قولدانىلاتىنىن اتاپ ٶتتٸ. ونىڭ ايتۋىنشا, اقش-تا اۆتوماتتى اكۋستيكالىق كامەرالار پايدالانىلادى. كەيبٸر جاعدايلاردا قۇقىق بۇزعان كٶلٸكتٸ تەركٸلەۋ شاراسى دا قاراستىرىلعان. گەرمانييا مەن فرانتسييادا تٷنگٸ رەيدتەر ٶتكٸزٸلٸپ, ارنايى موبيلدٸ زەرتحانالار قولدانىلادى.
كەندەباي قولدانىستاعى جازا شارالارىنىڭ تيٸمدٸلٸگٸنە دە نازار اۋداردى. قازٸر تٷنگٸ ۋاقىتتا تىنىشتىقتى بۇزعانى ٷشٸن 5 ايلىق ەسەپتٸك كٶرسەتكٸش, ياعني 21 625 تەڭگە مٶلشەرٸندە ايىپپۇل سالىنادى.
دەپۋتات بۇل جازانىڭ قۇقىق بۇزۋشىلىقتىڭ الدىن الۋ ٷشٸن جەتكٸلٸكتٸ تيٸمدٸ بولماۋى مٷمكٸن ەكەنٸن ايتتى.
ول ٸشكٸ ٸستەر مينيسترلٸگٸنە پاترۋلدٸك پوليتسييا قىزمەتكەرلەرٸ مەن ۋچاسكەلٸك ينسپەكتورلاردان تٷنگٸ ۋاقىتتا زاڭسىز جارىستاردى جەدەل توقتاتاتىن تۇراقتى بٸرلەسكەن ەكيپاجدار قۇرۋدى ۇسىندى.
سونداي-اق قۇقىق بۇزعان كٶلٸكتەردٸ زاڭسىز تەحنيكالىق ٶزگەرٸستەر تولىق جويىلعانعا دەيٸن ارنايى تۇراققا قويۋ ۇسىنىلدى. بۇل رەتتە كٶلٸكتٸڭ شىعارۋ جٷيەسٸنە زاڭسىز ٶزگەرٸستەر ەنگٸزٸلگەنٸن تەكسەرۋ كٶزدەلەدٸ.
بۇدان بٶلەك, دەپۋتات تٷنگٸ تىنىشتىقتى بۇزعانى ٷشٸن بەلگٸلەنگەن جازانىڭ ازاماتتاردىڭ قالىپتى ٶمٸرٸنە تيگٸزەتٸن ەسەرٸنە سەيكەستٸگٸن قايتا قاراۋدى جەنە جولداعى قۇقىق بۇزۋشىلىقتاردى ۇساق بۇزاقىلىق رەتٸندە سارالاۋدىڭ ناقتى تەرتٸبٸن ەزٸرلەۋدٸ ۇسىندى.
كەندەباي مۇنداي جاعدايدا قوعامعا قۇرمەتسٸزدٸكتٸڭ قاساقانا جەنە اشىق كٶرٸنٸستەرٸنٸڭ ناقتى بەلگٸلەرٸن, سونداي-اق دەلەلدەمەلەردٸ جيناۋ تەرتٸبٸن ايقىنداۋ قاجەت ەكەنٸن ايتتى.
