Qyrǵyzstan IIM Ishki tergeý qyzmeti men Shý oblystyq IID qyzmetkerleri bopsalaý faktisi boiynsha eki sheteldik azamatty ustady, dep habarlaidy Dalanews.kz.
1 aqpanda Qazaqstan azamattary Shý oblystyq JPQB qyzmetkerlerinen áleýmettik jelilerde bedeline nuqsan keltiretin beinematerialdardy jariialaimyz dep qorqytyp, 2500 dollar talap etkeni týraly aqparat túsken.
Cvodka málimetinshe, atalǵan derek Shý oblystyq IID-de tirkelip, Qyrǵyz Respýblikasynyń Qylmystyq kodeksiniń 208-baby (“Bopsalaý”) boiynsha qylmystyq is qozǵalǵan.
Tergeý barysynda politsiianyń jedel ýákili A.N. men politsiia aǵa serjanty M.B. Sokýlýk aýdanyna qarasty Voenno-Antonovka aýylynda qyzmet atqarǵany anyqtaldy. Olar shetel azamattary B.A. men A.R. basqarǵan Mercedes-Benz kóligin toqtatqan. Tekserý kezinde júrgizýshilerde tiisti qujattar bolmaǵan.
“Avtokólikti aiyp turaǵyna evakýatsiialaý kezinde sheteldik azamattar patrýldik kóliktiń bardachogyna 6000 som aqsha tastap, bul sátti beinejazbaǵa túsirgen. Keiinnen olar politsiia qyzmetkerlerin osy beinematerialdy jariialaimyz dep qorqytyp, 2500 dollar talap etken”, – delingen basqarma habarlamasynda.
Bopsalaý barysynda quqyq qorǵaý organdary kúdiktilerdi aqshany alyp jatqan jerinen qolǵa túsirdi. 1990 jyly týǵan B.A. men 1984 jyly týǵan A.R. ýaqytsha ustaý izoliatoryna qamaldy.
Kúdiktilerden arnaiy belgilengen aqshalai qarajat tárkilenip, qajetti sot-meditsinalyq saraptamalar taǵaiyndaldy. Qazirgi ýaqytta tergeý amaldary jalǵasýda.
