Almatyda esirtki qylmysyna qarsy is-qimyl bóliminiń qyzmetkerleri Italiia men Polshadan Qazaqstanǵa jetkiziletin kokain arnasynynyń jolyn kesti, dep habarlaidy Dalanews.kz.
Ońtústik astanada jalǵa alynǵan páterde salmaǵy 250 gramm kokain tárkilendi. Ol kofe túrinde plastikalyq kapsýlalarǵa jasyrylǵan.
Budan ári "Qazposhta" bólimshesinde figýrantqa tiesili sálemdemeni tárkileý boiynsha tergeý sharalary júrgizildi. Odan jalpy salmaǵy shamamen 1 keli esirtki zattary bar plastikalyq bankalar tabyldy, onyń ishinde 0,5 keli kokain jáne 400 gramnan astam ekstazi bolǵan. Bul úsh myńnan astam bir rettik dozany quraidy.
Anyqtalǵandai, ustalǵan sheteldik azamat kýrer fýnktsiiasyn úsh aiǵa jýyq oryndap kelgen, al Almatyǵa sharýashylyq taýar retinde jasyrylǵan poshta sálemdemeleri arqyly esirtkiniń sirek túrlerin satý maqsatynda ǵana kelgen.
"Ustalǵan adamǵa qatysty esirtki zattaryn ótkizý maqsatynda asa iri mólsherde zańsyz satyp alý jáne saqtaý faktisi boiynsha sotqa deiingi tergep-tekserý amaldary júrgizilip jatyr. Kúdikti qamaýǵa alyndy. Ózge aqparat tergeý múddesi úshin jariia etilmeidi, – dedi IIM esirtki qylmysyna qarsy is-qimyl departamenti bastyǵynyń orynbasary Baqytjan Ámirhanov.
Eske sala keteiik, bul qylmystar úshin múlki tárkilenip, on jyldan on bes jylǵa deiingi merzimge bas bostandyǵynan aiyrý jazasy qarastyrylady.
