الماتىدا ەسٸرتكٸ قىلمىسىنا قارسى ٸس-قيمىل بٶلٸمٸنٸڭ قىزمەتكەرلەرٸ يتالييا مەن پولشادان قازاقستانعا جەتكٸزٸلەتٸن كوكاين ارناسىنىنىڭ جولىن كەستٸ, دەپ حابارلايدى Dalanews.kz.
وڭتٷستٸك استانادا جالعا الىنعان پەتەردە سالماعى 250 گرامم كوكاين تەركٸلەندٸ. ول كوفە تٷرٸندە پلاستيكالىق كاپسۋلالارعا جاسىرىلعان.
بۇدان ەرٸ "قازپوشتا" بٶلٸمشەسٸندە فيگۋرانتقا تيەسٸلٸ سەلەمدەمەنٸ تەركٸلەۋ بويىنشا تەرگەۋ شارالارى جٷرگٸزٸلدٸ. ودان جالپى سالماعى شامامەن 1 كەلٸ ەسٸرتكٸ زاتتارى بار پلاستيكالىق بانكالار تابىلدى, ونىڭ ٸشٸندە 0,5 كەلٸ كوكاين جەنە 400 گرامنان استام ەكستازي بولعان. بۇل ٷش مىڭنان استام بٸر رەتتٸك دوزانى قۇرايدى.
انىقتالعانداي, ۇستالعان شەتەلدٸك ازامات كۋرەر فۋنكتسيياسىن ٷش ايعا جۋىق ورىنداپ كەلگەن, ال الماتىعا شارۋاشىلىق تاۋار رەتٸندە جاسىرىلعان پوشتا سەلەمدەمەلەرٸ ارقىلى ەسٸرتكٸنٸڭ سيرەك تٷرلەرٸن ساتۋ ماقساتىندا عانا كەلگەن.
"ۇستالعان ادامعا قاتىستى ەسٸرتكٸ زاتتارىن ٶتكٸزۋ ماقساتىندا اسا ٸرٸ مٶلشەردە زاڭسىز ساتىپ الۋ جەنە ساقتاۋ فاكتٸسٸ بويىنشا سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر. كٷدٸكتٸ قاماۋعا الىندى. ٶزگە اقپارات تەرگەۋ مٷددەسٸ ٷشٸن جارييا ەتٸلمەيدٸ, – دەدٸ ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸ باستىعىنىڭ ورىنباسارى باقىتجان ەمٸرحانوۆ.
ەسكە سالا كەتەيٸك, بۇل قىلمىستار ٷشٸن مٷلكٸ تەركٸلەنٸپ, ون جىلدان ون بەس جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلادى.
