Politseiler eldi aldaǵan alaiaqty ustady
Atap aitqanda, alaiaqtyǵyna quryq boilamaityn kúdikti áiel jábirlenýshiniń jumyssyz júrgeninen habardar bolyp, alaiaqtyq iaǵni bótenniń múlkin birneshe ret aldaý arqyly iemdenip jymqyrý qylmystyq oiy paida bolyp, óziniń qylmystyq oiyn júzege asyrady. Uialy telefon arqyly habarlasyp, kezdesýge shaqyryp, «sizdi, klinikaǵa medbike» laýazymyna ornalastyryp beremin dep sendiredi. Osylaisha, jumyssyz júrgen máselem sheshiledi dep oilaǵan jábirlenýshi alaiaq suraǵan 520 000 teńgeni qolma-qol beredi. Kúdikti áiel bolsa, aqshany alyp, óz qajettiligine jaratyp jibergen.
Kádimgi kúndelikti jumysyndai, alaiaq áiel óziniń qylmystyq áreketin toqtatpastan jalǵastyryp, kelesi tanysyn aldaýǵa kirisedi. Burynǵy ádetinshe uialy telefon arqyly kelesi jemtik bolatyn jábirlenýshige habarlasyp, « klinikaǵa feldsher» laýazymyna jumysqa turǵyzyp beremin dep senimine kirip aldap, alaiaqtyq jolmen qolma-qol 330 000 teńgesin alady. Onyda óz paidasyna jaratyp jiberedi.
Úshinshi jábirlenýshi de Túrkistan qalasynyń jergilikti turǵyny bolyp shyqty. Ádettegidei uialy telefon arqyly jábirlenýshige habarlasyp, kezdesý ornyn belgileidi. «Sizdi memlekettik qyzmetke» jumysqa ornalastyryp beremin dep, aqysyna 600 000 teńge suraidy. Alaiaqtyń maidai jaǵymdy sózine sengen jábirlenýshi suraǵan aqshasyn qolma-qol alaiaqqa beredi.
Atalǵan jait QR QK-niń 190-baby boiynsha sotqa deiingi tergep-tekserýdiń byryńǵai tizilimine engizilip, tirkeldi. Jábirlenýshilerdiń aryzdary boiynsha Túrkistan QPB tez arada iske kirisip, alaiaqtyqtyń izin sýytpai ashý maqsatynda jedeldetilgen is-sharalardy júrgizedi. Qajetti dep tanylǵan barlyq sharalar jasalady. Sonyń nátijesinde, kúdikti anyqtalady. Ol burynda alaiaqtyq jasap, sotty bolǵan joǵary bilimdi jergilikti turǵyn bolyp shyqty. Kúdiktiniń kinási qylmystyq is materialdarymen: jábirlenýshi, kúdiktiniń jaýaptarymen basqa da jinaqtalǵan qujattarmen rastaldy.
Osylaisha, kúdikti QR QK-niń 190-baby boiynsha qylmysty jasady dep aiyptalyp, qylmystyq is Túrkistan qalalyq sotyna jiberildi.
Túrkistan oblysy politseileri alaiaqtardyń arbaýyna túsip qalmaýǵa keńes beredi. Alaiaqtar kóbinde nyq sózderimen, ózderine degen senimdilikterimen, ártistik qabiletterimen, jymysqy oilarymen, ailakerligimen, ótirikti shyndai aitatyn qasietimen erekshelenip, jábirlenýshini sendirýge baryn salady. Jyldam áreket etkeni sonshalyq, oilanýǵa ýaqyt bermei, osyndai múmkindikten aiyrylyp qalma, bolmasa basqaǵa aitamyn degendei áreketter jasaidy. Alaiaqtyq ta ózgeniń múlkin tonaý, urlyq jasaý bolyp esepteledi. Sondyqtan óz aqshańyz ben múlkińizge saq bolyńyz. Alaiaqtarǵa aldanyp qalmańyz!
TO PD baspasóz qyzmeti
