اتاپ ايتقاندا، الاياقتىعىنا قۇرىق بويلامايتىن كۇدىكتى ايەل جابىرلەنۋشىنىڭ جۇمىسسىز جۇرگەنىنەن حاباردار بولىپ، الاياقتىق ياعني بوتەننىڭ مۇلكىن بىرنەشە رەت الداۋ ارقىلى يەمدەنىپ جىمقىرۋ قىلمىستىق ويى پايدا بولىپ، ءوزىنىڭ قىلمىستىق ويىن جۇزەگە اسىرادى. ۇيالى تەلەفون ارقىلى حابارلاسىپ، كەزدەسۋگە شاقىرىپ، «ءسىزدى، كلينيكاعا مەدبيكە» لاۋازىمىنا ورنالاستىرىپ بەرەمىن دەپ سەندىرەدى. وسىلايشا، جۇمىسسىز جۇرگەن ماسەلەم شەشىلەدى دەپ ويلاعان جابىرلەنۋشى الاياق سۇراعان 520 000 تەڭگەنى قولما-قول بەرەدى. كۇدىكتى ايەل بولسا، اقشانى الىپ، ءوز قاجەتتىلىگىنە جاراتىپ جىبەرگەن.
كادىمگى كۇندەلىكتى جۇمىسىنداي، الاياق ايەل ءوزىنىڭ قىلمىستىق ارەكەتىن توقتاتپاستان جالعاستىرىپ، كەلەسى تانىسىن الداۋعا كىرىسەدى. بۇرىنعى ادەتىنشە ۇيالى تەلەفون ارقىلى كەلەسى جەمتىك بولاتىن جابىرلەنۋشىگە حابارلاسىپ، « كلينيكاعا فەلدشەر» لاۋازىمىنا جۇمىسقا تۇرعىزىپ بەرەمىن دەپ سەنىمىنە كىرىپ الداپ، الاياقتىق جولمەن قولما-قول 330 000 تەڭگەسىن الادى. ونىدا ءوز پايداسىنا جاراتىپ جىبەرەدى.
ءۇشىنشى جابىرلەنۋشى دە تۇركىستان قالاسىنىڭ جەرگىلىكتى تۇرعىنى بولىپ شىقتى. ادەتتەگىدەي ۇيالى تەلەفون ارقىلى جابىرلەنۋشىگە حابارلاسىپ، كەزدەسۋ ورنىن بەلگىلەيدى. «ءسىزدى مەملەكەتتىك قىزمەتكە» جۇمىسقا ورنالاستىرىپ بەرەمىن دەپ، اقىسىنا 600 000 تەڭگە سۇرايدى. الاياقتىڭ مايداي جاعىمدى سوزىنە سەنگەن جابىرلەنۋشى سۇراعان اقشاسىن قولما-قول الاياققا بەرەدى.
اتالعان جايت ق ر قك-نىڭ 190-بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ، تىركەلدى. جابىرلەنۋشىلەردىڭ ارىزدارى بويىنشا تۇركىستان قپب تەز ارادا ىسكە كىرىسىپ، الاياقتىقتىڭ ءىزىن سۋىتپاي اشۋ ماقساتىندا جەدەلدەتىلگەن ءىس-شارالاردى جۇرگىزەدى. قاجەتتى دەپ تانىلعان بارلىق شارالار جاسالادى. سونىڭ ناتيجەسىندە، كۇدىكتى انىقتالادى. ول بۇرىندا الاياقتىق جاساپ، سوتتى بولعان جوعارى ءبىلىمدى جەرگىلىكتى تۇرعىن بولىپ شىقتى. كۇدىكتىنىڭ كىناسى قىلمىستىق ءىس ماتەريالدارىمەن: جابىرلەنۋشى، كۇدىكتىنىڭ جاۋاپتارىمەن باسقا دا جيناقتالعان قۇجاتتارمەن راستالدى.
وسىلايشا، كۇدىكتى ق ر قك-نىڭ 190-بابى بويىنشا قىلمىستى جاسادى دەپ ايىپتالىپ، قىلمىستىق ءىس تۇركىستان قالالىق سوتىنا جىبەرىلدى.
تۇركىستان وبلىسى پوليسەيلەرى الاياقتاردىڭ ارباۋىنا ءتۇسىپ قالماۋعا كەڭەس بەرەدى. الاياقتار كوبىندە نىق سوزدەرىمەن، وزدەرىنە دەگەن سەنىمدىلىكتەرىمەن، ارتىستىك قابىلەتتەرىمەن، جىمىسقى ويلارىمەن، ايلاكەرلىگىمەن، وتىرىكتى شىنداي ايتاتىن قاسيەتىمەن ەرەكشەلەنىپ، جابىرلەنۋشىنى سەندىرۋگە بارىن سالادى. جىلدام ارەكەت ەتكەنى سونشالىق، ويلانۋعا ۋاقىت بەرمەي، وسىنداي مۇمكىندىكتەن ايىرىلىپ قالما، بولماسا باسقاعا ايتامىن دەگەندەي ارەكەتتەر جاسايدى. الاياقتىق تا وزگەنىڭ مۇلكىن توناۋ، ۇرلىق جاساۋ بولىپ ەسەپتەلەدى. سوندىقتان ءوز اقشاڭىز بەن مۇلكىڭىزگە ساق بولىڭىز. الاياقتارعا الدانىپ قالماڭىز!
تو پد باسپا ءسوز قىزمەتى
