Petropavlda birneshe lokatsiiada abattandyrý boiynsha mańyzdy jobalar júzege asyp jatyr, dep habarlaidy Dalanews.kz
Ótken jylǵy sý tasqynynan zardap shekken Oiqala shaǵyn aýdany men Bylǵary kentinde 74 skverdi salý boiynsha aýqymdy jumystar bastaldy.
"Jobaǵa barlyq aýdandar men qalalyq uiymdar qatysýda. Birlesken kúsh-jigermen 2000 aǵash otyrǵyzylyp, shaǵyn arhitektýralyq formalar, oryndyqtar, jaryqtandyrý, serýendeý aimaǵy ornatylady. Fýtzalǵa arnalǵan eki modýldyq sportzal salynyp, balalar men sport alańdary, voleibol jáne fýtbol alańdary paida bolady", - dep jazdy óńir basshysy Ǵaýez Nurmuhambetov.
Álemdegi eń uzyn jaiaý júrginshiler aimaǵy - Qazaqstan Konstitýtsiiasy kóshesin qaita jańǵyrtý bastaldy. Joba úsh kezeńde júzege asady. Qazirgi ýaqytta Astana kóshesinen Parkovaia kóshesine deiingi bólikte injenerlik jeliler men tas tósenishterdi aýystyrý, kógaldandyrý jáne ǵimarattardyń qasbetin biryńǵai sáýlettik stilde árleý jumystary júrgizilýde. Bizdiń ortalyq kóshemiz barlyq jastaǵy adamdar úshin tartymdy ári zamanaýi orynǵa ainalady.
Taǵy bir mańyzdy joba — mádeni-aǵartýshylyq baǵyttaǵy «Maǵjan ortalyǵynyń» qurylýy bolmaq. Ortalyqtyń janynda jańa jaily skver salynady, ol sózsiz qala turǵyndarynyń súiikti demalys ornyna ainalady.
