Petropavldaǵy beton zaýytynyń aýmaǵynda tehnikalyq mai quiylǵan tsisterna jarylyp, bir jumysshy aýyr jaraqat aldy, dep habarlaidy dalanews.kz.
BAQ málimeti boiynsha, oqiǵa 8 shilde kúni tańǵy saǵat 10:00 shamasynda jol qurylysyna arnalǵan beton óndiretin kásiporynda bolǵan.
Jarylys kezinde josparly tekserý júrgizip júrgen 51 jastaǵy operator tsisternanyń janynda bolǵan. Jarylystan keiin oǵan ystyq tehnikalyq mai shashyrap, aýyr kúiik alǵan.
Zardap shekken er adam jedel járdem qyzmetimen Petropavl qalalyq kópsalaly aýrýhanasyna jetkizildi.
Dárigerlerdiń málimetinshe, naýqastyń denesiniń shamamen 95 paiyzyn II–III dárejeli termiialyq kúiik shalǵan. Qazir ol jansaqtaý bóliminde jatyr. Dárigerler onyń jaǵdaiyn asa aýyr dep baǵalap otyr.
Soltústik Qazaqstan oblysy Tótenshe jaǵdailar departamentiniń málimetinshe, oqiǵaǵa bailanysty Qazaqstan Respýblikasy Qylmystyq kodeksiniń 292-babynyń 1-bóligi («Órt qaýipsizdigi talaptaryn buzý») boiynsha sotqa deiingi tergep-tekserý bastaldy.
Oqiǵanyń mán-jaiy anyqtalyp jatyr.
