پەتروپاۆلداعى بەتون زاۋىتىنىڭ اۋماعىندا تەحنيكالىق ماي قۇيىلعان تسيستەرنا جارىلىپ, بٸر جۇمىسشى اۋىر جاراقات الدى, دەپ حابارلايدى dalanews.kz.
باق مەلٸمەتٸ بويىنشا, وقيعا 8 شٸلدە كٷنٸ تاڭعى ساعات 10:00 شاماسىندا جول قۇرىلىسىنا ارنالعان بەتون ٶندٸرەتٸن كەسٸپورىندا بولعان.
جارىلىس كەزٸندە جوسپارلى تەكسەرۋ جٷرگٸزٸپ جٷرگەن 51 جاستاعى وپەراتور تسيستەرنانىڭ جانىندا بولعان. جارىلىستان كەيٸن وعان ىستىق تەحنيكالىق ماي شاشىراپ, اۋىر كٷيٸك العان.
زارداپ شەككەن ەر ادام جەدەل جەردەم قىزمەتٸمەن پەتروپاۆل قالالىق كٶپسالالى اۋرۋحاناسىنا جەتكٸزٸلدٸ.
دەرٸگەرلەردٸڭ مەلٸمەتٸنشە, ناۋقاستىڭ دەنەسٸنٸڭ شامامەن 95 پايىزىن II–III دەرەجەلٸ تەرمييالىق كٷيٸك شالعان. قازٸر ول جانساقتاۋ بٶلٸمٸندە جاتىر. دەرٸگەرلەر ونىڭ جاعدايىن اسا اۋىر دەپ باعالاپ وتىر.
سولتٷستٸك قازاقستان وبلىسى تٶتەنشە جاعدايلار دەپارتامەنتٸنٸڭ مەلٸمەتٸنشە, وقيعاعا بايلانىستى قازاقستان رەسپۋبليكاسى قىلمىستىق كودەكسٸنٸڭ 292-بابىنىڭ 1-بٶلٸگٸ («ٶرت قاۋٸپسٸزدٸگٸ تالاپتارىن بۇزۋ») بويىنشا سوتقا دەيٸنگٸ تەرگەپ-تەكسەرۋ باستالدى.
وقيعانىڭ مەن-جايى انىقتالىپ جاتىر.
