Petropavl qalalyq ákimdigi 340 million teńgege eki jer úi satyp alýdy josparlap otyr. Bul týraly jýrnalist Elmira Kalenova málimdedi, dep habarlaidy Dalanews.kz.
Jýrnalist memlekettik satyp alý saitynda osyndai lottar paida bolǵanyn atap ótti.
“Bireýiniń aýdany 217, ekinshisi 226 sharshy metrdi quraidy. Petropavl qala ákimdigine suraq: biýdjet qarajaty tapshylyǵy kezinde mundai qymbat úilerdi satyp alý ne úshin qajet?“, — dep saýal joldady ol.
Qalalyq ákimdik jýrnalistiń saýalyn joqqa shyǵarmady jáne eki úidiń satyp alynatynyn rastady.
“Iá, rasynda da turǵyn úi-kommýnaldyq sharýashylyq bólimderi eki úi satyp alyp jatyr. Ár úidiń baǵasy táýelsiz baǵalaýmen 170 mln teńge bolyp belgilengen. Bul úiler qala qurylysy josparyna sáikes, áleýmettik nysandardy damytý úshin alynyp otyr. Qazir Petropavlda 49 balabaqsha jumys isteidi. Al osy satyp alynǵan ǵimarattardyń ornyna bolashaqta jańa balabaqsha salý josparlanýda. Eń bastysy – jańa balabaqsha turǵyn úilerge jaqyn ornalasady. Bul ata-analar men balalardyń qoljetimdiligi úshin jasalyp otyr”, — delingen habarlamada.
