پەتروپاۆل قالالىق اكىمدىگى 340 ميلليون تەڭگەگە ەكى جەر ءۇي ساتىپ الۋدى جوسپارلاپ وتىر. بۇل تۋرالى جۋرناليست ەلميرا كالەنوۆا مالىمدەدى، دەپ حابارلايدى Dalanews.kz.
جۋرناليست مەملەكەتتىك ساتىپ الۋ سايتىندا وسىنداي لوتتار پايدا بولعانىن اتاپ ءوتتى.
“بىرەۋىنىڭ اۋدانى 217، ەكىنشىسى 226 شارشى مەتردى قۇرايدى. پەتروپاۆل قالا اكىمدىگىنە سۇراق: بيۋدجەت قاراجاتى تاپشىلىعى كەزىندە مۇنداي قىمبات ۇيلەردى ساتىپ الۋ نە ءۇشىن قاجەت؟“، — دەپ ساۋال جولدادى ول.
قالالىق اكىمدىك ءجۋرناليستىڭ ساۋالىن جوققا شىعارمادى جانە ەكى ءۇيدىڭ ساتىپ الىناتىنىن راستادى.
“ءيا، راسىندا دا تۇرعىن ۇي-كوممۋنالدىق شارۋاشىلىق بولىمدەرى ەكى ءۇي ساتىپ الىپ جاتىر. ءار ءۇيدىڭ باعاسى تاۋەلسىز باعالاۋمەن 170 ملن تەڭگە بولىپ بەلگىلەنگەن. بۇل ۇيلەر قالا قۇرىلىسى جوسپارىنا سايكەس، الەۋمەتتىك نىسانداردى دامىتۋ ءۇشىن الىنىپ وتىر. ءقازىر پەتروپاۆلدا 49 بالاباقشا جۇمىس ىستەيدى. ال وسى ساتىپ الىنعان عيماراتتاردىڭ ورنىنا بولاشاقتا جاڭا بالاباقشا سالۋ جوسپارلانۋدا. ەڭ باستىسى – جاڭا بالاباقشا تۇرعىن ۇيلەرگە جاقىن ورنالاسادى. بۇل اتا-انالار مەن بالالاردىڭ قولجەتىمدىلىگى ءۇشىن جاسالىپ وتىر”، — دەلىنگەن حابارلامادا.
