Petropavlda halyqaralyq baǵyttaǵy jańa áýe qatynasy iske qosylady. 2 shildeden bastap Qyzyljar áýejaiynan Mysyrdyń Sharm-el-Sheih kýrortyna tikelei reister usha bastaidy,- dep habarlaidy Dalanews.kz
Bul týraly Soltústik Qazaqstan oblysynyń ákimi Ǵaýez Nurmuhambetov pen «Qyzyljar halyqaralyq áýejaiy» JShS-niń jańa direktory Oktem Mustafa Iyltan arasyndaǵy kezdesý barysynda belgili boldy. Taraptar áýejaidyń damý bolashaǵy, infraqurylymdy jańartý jáne jolaýshylarǵa kórsetiletin qyzmet sapasyn arttyrý máselelerin talqylady.
Sonymen qatar, kezdesýde túngi reisterge ruqsat berilýi jáne jańa janarmai quiý stantsiiasynyń iske qosylýy syndy infraqurylymdyq jetistikter de aityldy. Bul áýejaidyń táýlik boiy jumys isteýine múmkindik berip, iri áýe kemelerin qabyldaýǵa jol ashpaq.
Aldaǵy ýaqytta Petropavldan basqa da halyqaralyq baǵyttarǵa reister ashý josparda bar. Jańa bastamalar óńirdiń kólik áleýetin arttyryp qana qoimai, týristik tartymdylyǵyn da kúsheitedi.
