Perizat Qairattyń isine qatysty jańa derekter paida boldy, dep habarlaidy Dalanews.kz.
Bul týraly Qarjylyq monitoring agenttigi tóraǵasynyń orynbasary Jeńis Elemesov májilis kýlýarynda aitty. Onyń sózinshe, qazirgi tańda Perizat Qairatqa qatysty qylmystyq is tergeýd. Alaida tergeý aiaqtalýǵa az qalǵan. Jaqynda taraptar qylmystyq istiń materialdarymen tanysa bastaidy. Biraq is materialdarymen tanysý qanshaǵa sozylatyny belgisiz.
"Qylmystyq is zattai dálelderdi sanamaǵanda 100 tomnan turady. Sot Perizat Qairattyń qamaýda otyrý merzimin uzartty. Qylmystyq is “Alaiaqtyq” baby boiynsha tergelip jatyr. Sonymen qatar, qylmystyq is 218-bap boiynsha qaralyp jatyr.", deidi Jeńis Elemesov.
Elemesovtiń aitýynsha, qylmystyq iske qatysty jańa epizodtar anyqtalǵan.
"Jaqynda jańa epizodty anyqtadyq. Perizat Qairat múgedek jandarǵa reabilitatsiialyq ortalyq ashamyn dep aýktsion uiymdastyryp, taǵy 22 million teńge jinap alǵan", deidi Jeńis Elemesov.
Eske salaiyq, Perizat Qairat kóktemgi sý tasqynynan zardap shekken azamattarǵa kómektesý úshin jinalǵan 1,5 mlrd teńgeden astam qarajatty jymqyrdy degen kúdikke ilingen bolatyn. Málimetke súiensek, qaiyrymdylyqtyń negizgi bóligi qymbat sán buiymdary men jyljymaityn múlikti satyp alý maqsatyna jumsalǵan.
«Biyl kóktemde ol elordadaǵy avtosalondarda 88 mln teńgege «Mercedes-Benz S450», 80 mln teńgege «Lexus LX-600» jáne 39 mln teńgege «Haval» avtokólikterin satyp aldy. Osy kezeńde ol jalpy somasy 600 mln teńgeni quraityn elordanyń premiým sanattaǵy «Akbulak Riviera», «Highvill Ishim Gold», «Kók Jailaý» TK (turaq oryndaryn qosa alǵanda), sondai-aq «Vela Village» kottedj qalashyǵynda jyljymaityn múlik nysandaryn satyp aldy.
Sonymen qatar, qazaqstandyqtardyń qaiyrymdylyqqa jibergen qarajat esebinen Perizat Q. Dýbai, Doha, London jáne Stambýldaǵy «St. Regis», «Shangri-La», «Palazzo Versace» jáne «Kempinski» siiaqty bes juldyzdy qonaq úilerde demalǵan. Bul elderde ol «Cartier» jáne «Louis Vuitton» siiaqty brendterdiń qymbat aksessýarlary men zergerlik buiymdardy satyp alyp, feshenebeldi meiramhanalarǵa baryp, iahtalardy jaldaǵan. Qylmystyq shemany júzege asyrý úshin dostary men týystaryna 8% syiaqy berip, qordyń aqshasy qolma-qol aqshaǵa ainaldyryp otyrǵan.
Osylaisha, Perizat Qairat óziniń zańsyz áreketterimen eriktiler qozǵalysynyń bedeline nuqsan keltirip, onyń ashyqtyq pen adaldyq printsipterine kúmán keltirdi jáne halyqtyń senip tapsyrǵan qarajatyn talan-tarajǵa salǵan", - dep jazylǵan QMA málimetinde.
Artynsha QMA onyń zańsyz áreketiniń taǵy bir epizody anyqtalǵanyn habarlady.
"2023 jyldyń qarasha aiynda Perizat Qairat Palestina turǵyndaryna gýmanitarlyq kómek kórsetý úshin qarajat jinaýdy uiymdastyrdy. 2023 jylǵy jeltoqsanda osy aqsha esebinen Perizat Q. «Sensata Plaza» elitalyq kesheninen 49 mln teńgege úsh bólmeli páter jáne 30 mln teńgege «Mercedes-Benz EQE 500 4 Matic» jańa avtokóligin satyp aldy. Sonymen qatar, qarajattyń bir bóligi BAÁ-de «Rolex», «Prada» jáne «Fendi» brendtik býtikterinen zergerlik buiymdardy, saǵattar men kiimderdi satyp alýǵa jumsaldy", - dep jazylǵan habarlamada.
