Qaiyrymdylyqqa jinalǵan qarjyny jymqyrdy degen kúdikke ilingen Perizat Qairat prokýrorlar artqan aiypty moiyndamady, dep habarlaidy Dalanews.kz.
"Aiyptaýlar negizsiz. Tergeý qiialy úshin men jaýapty emespin. Men ózime taǵylǵan aiypty moiyndamaimyn. Keiin barlyq fakti boiynsha ózimdi qorǵaimyn", dedi Perizat Qairat sotta.
Buǵan deiin Perizat Qairattyń joǵary bilimi bolmaǵany anyqtalǵanyn habarlaǵan edik. Ózin birneshe ret shetelde joǵary bilim aldym dep kórsetken Perizat Qairattyń shyn máninde joǵary bilimi joq ekeni anyqtaldy. Aiyptaýshy taraptyń málimetinshe, onyń tek aiaqtalmaǵan orta bilimi ǵana bar.
Prokýrorlardyń aitýynsha, Perizat Qairat jurtqa ózin tabysty kásipker retinde kórsetý úshin Birikken Arab Ámirlikterinde turǵanyn jáne otbasymen et jetkizý isimen ainalysqanyn aitqan, alaida bul aqparattyń bári jalǵan bolǵan.
Aita keteiik, qazirgi tańda Perizat Qairatqa qatysty negizgi sot otyrysy bastaldy.
Sot protsesin jýrnalister tek arnaiy uiymdastyrylǵan baspasóz ortalyǵynan baqylap otyr. Al sot zalynda beinejazba jasaýǵa, tikelei efir júrgizýge jáne onlain kórsetilimge tyiym salynǵan. Sýdia Sabyrjan Karimov muny sot barysynda qupiia aqparattyń jariialanyp ketý qaýpimen túsindirdi.
Eske sala keteiik, Perizat Qairat qaiyrymdylyqqa bólingen 3 milliard teńgeden asa qarjyny jymqyrdy degen kúdikpen ustalǵan bolatyn.
