Perizat Qairat pen anasynyń isi sotqa tústi, dep habarlaidy Dalanews.kz.
Bas prokýratýra Perizat Qairatqa jáne Gaini Alashbaevaǵa qatysty qylmystyq isti máni boiynsha qaraý úshin Astana qalasynyń qylmystyq ister jónindegi aýdanaralyq sotyna jiberdi.
Ekeýi Qazaqstan Respýblikasynyń azamattary men uiymdarynan múgedek balalarǵa, sondai-aq Qazaqstanda sý tasqynynan jáne Taiaý Shyǵystaǵy qaqtyǵystan zardap shekken adamdarǵa qaiyrymdylyq kórsetý jeleýimen jinalǵan 3 milliardtan astam teńgeni jymqyrýda aiyptalady.
Eske salaiyq, buǵan deiin Qarjylyq monitoringi agenttigi Perizat Qairat pen onyń anasy Gaini Alashbaevaǵa qatysty alaiaqtyq jáne qylmystyq jolmen alynǵan aqsha men múlikti zańdastyrý faktileri boiynsha sotqa deiingi tergep-tekserýdi aiaqtady.
2025 jylǵy 19 naýryzda taraptar 109 tomnan turatyn qylmystyq is materialdarymen tanysýǵa kiristi.
Buǵan deiin habarlanǵandai, zalal somasy 3,5 mlrd teńgeni qurady.
Urlanǵan qarajatqa satyp alynǵan 865 mln teńge kólemindegi múlikke tyiym salyndy.
Qylmystyq is aiyptaý aktisin bekitý jáne sotqa joldaý úshin Bas prokýratýraǵa berildi.
