Eriktiler qozǵalysynyń belsendisi Perizat Qairatqa qatysty tergeý faktisi boiynsha qosymsha aqparat paida boldy, - dep habarlaidy Dalanews.kz.
Onyń zańsyz áreketiniń taǵy bir epizody anyqtaldy.
Osylaisha, 2023 jyldyń qarasha aiynda Perizat Qairat Palestina turǵyndaryna gýmanitarlyq kómek kórsetý úshin qarajat jinaýdy uiymdastyrdy.
2023 jylǵy jeltoqsanda osy aqsha esebinen Perizat Q. "Sensata Plaza" elitalyq kesheninen 49 mln teńgege úsh bólmeli páter jáne 30 mln teńgege "Mercedes-Benz EQE 500 4 Matic" jańa avtokóligin satyp aldy.
Sonymen qatar, qarajattyń bir bóligi BAÁ-de "Rolex", "Prada" jáne "Fendi" brendtik býtikterinen zergerlik buiymdardy, saǵattar men kiimderdi satyp alýǵa jumsaldy.
Bul epizod boiynsha Perizat Q. 200 mln teńgeden asa qarajatty jymqyrdy dep kúdiktelýde.
Tergeý jalǵasýda.
Eger siz Perizat Qairattyń alaiaqtyq áreketteriniń qurbany bolsańyz, Astana q., Beibitshilik kóshesi, 10 meken-jaiy boiynsha nemese +7 (7172) 70-84-78 telefon nómiri boiynsha Qarjylyq monitoring agenttigine habarlasa alasyz.
