Pentagon ókili Amerikanyń áskeri barlaý basqarmasy soǵys kezinde orystardyń qansha qolbasshysynan aiyrylǵanyn barynsha dál baqylaýǵa tyrysyp jatqandaryn alǵa tartty.
Bar-joǵy eki aida munshama generaldardyń mert bolýy, Resei áskeriniń soǵys barysyn josparlaý isinide kemshilik ketip jatqanynan habar beretini anyq.
AQSh áskeri 20 jylǵa sozylǵan Aýǵanstandaǵy áskeri qaqtyǵys kezinde munshama generaldarynan aiyrylmaǵan-dy.
Amerikanyń keibin shendileri AQSh-tyń áskeri barlaý qyzmeti Ýkraina qarýly kúshterine dál aqparattar bergennen keiin, ýkrain sarbazdary Reseidiń osynshama generaldarynyń kózin joiǵanyn aitýda. Bul sózdiń de jany bar. Pentagon ókilderi orys generaldary sarbazdardyń soǵysqa degen qulshynysyn arttyrý úshin aldyńǵy shepte júrip oqqa ushyp jatqanyn aitýda. Qalai bolǵanda da dál qazir Resei áskeriniń moraldyq ahýaly syn kótermei turǵany anyq.
Buǵan deiin The New York Times basylymy osyǵan deiin mert bolǵan Resei generaldarynyń sany 20 jetkenin jazǵan bolatyn. Al 15 naýryzda Ýkrainanyń Ulttyq qaýipsizdik jáne qorǵanys keńesi qarýly qaqtyǵys kezinde kem degende Reseidiń 10 generaly mert bolǵanyn alǵa tartqan edi. Osyǵa deiin aqparat quraldarynda Ýkriana jerinde Andrei Sýhovetskii, Vitalii Gerasimov, Andrei Kolesnikov, Andrei Mordvichev, Magomed Týshaev, Oleg Mitiaev, Iakov Rezantsev esimdi áskeri qolbasshylardyń ajal qushqany jaiynda jazǵan bolatyn. Óz keziginde Resei taraby eki general-maiora Andrei Sýhovetskii men Vladimir Frolovtyń kóz jumǵanyn rastaǵan-dy.
