17 qańtar kúni Pavlodar oblysynyń burynǵy ákimi Bolat eki aiǵa qamaýǵa alynǵan bolatyn. Ol qyzmettik ókilettigin asyra paidalandy degen kúdikke ilinip otyr. Ulttyq qaýipsizdik komiteti 15 qańtarda qylmystyq is boiynsha jedel tergeý is-sharalaryn ótkizgen edi.
Jańa ákim Ábilqaiyr Sqaqov 1974 jyly Pavlodar oblysynda dúniege kelgen.
1995 jyly Aqmola qarjy-ekonomika tehnikýmyn «Salyqtar qarjygeri» mamandyǵy boiynsha támamdaǵan. 2000 jyly Shákárim atyndaǵy Semei memlekettik ýniversitetin «Qarjyger jáne ekonomist» mamandyǵy boiynsha bitirgen.
2004 jyly Qazaq quqyqtaný jáne halyqaralyq qatynastar institýtyn bitirgen. 2017 jyly M. Lomonosov atyndaǵy Máskeý memlekettik ýniversitetin támamdaǵan.
2014-2016 jyldary Astana qalasy boiynsha memlekettik kirister departamentiniń basshysy. 2016 jyldyń 1 jeltoqsanynan 2019 jyldyń 25 sáýirine deiin Qazaqstan Respýblikasy qorǵansy ministriniń orynbasary boldy.
Sqaqov 2019 jyldyń 25 sáýirinen Qazaqstan Respýblikasy qarjy ministrliginiń qarjy monitoringi komitetiniń tóraǵasy qyzmetin atqarǵan edi.
